Asror Aliqulov: "Barcha muxlislarimiz va Muborak halqini Superliga bilan tabriklayman"

"Bilasizmi biz juda qiyin mavsumni o'tkazdik. Bu yil har bir uchrashuv biz uchun finaldek kechdi. Og'ir va qiyin bahslar bo'ldi. Ammo baribir o'z maqsadimizga erishdik. Butun mavsum davomida bizni moddiy tomondan qo'llab quvvatlagan bosh homiyimiz "O'zbekneftgaz" akciyadorlik jamiyati rahbariyatiga “Mashal” futbol klubi rahbariyati va futbolchilari nomidan o'z minnatdorchilik bildiramiz. 

SHuningdek bizni G'uzorda va Muborakdagi uchrashuvlarimizda biz bilan yonma-yon turgan muhlislarimizga ming raxmat. Ularsiz bunday bahslarda g'alaba qozonish mushkil ish. SHogirdlarimga raxmat aytaman ular borlarini berishdi. 

Etiborli tomoni shundaki "Mashal"ning o'rtacha yoshi 22-23 da va bunday yosh jamoa bilan menimcha kamdan kam jamoalar maqsadga erishishadi. Umuman juda hayajondaman barcha muhlislarimiz va Muborak xalqini Super-ligaga yo'l olganimiz chin qalbimdan tabriklayman", - deydi Asror Aliqulov. 

"Mashal" matbuot xizmati