So’nggi yangiliklar

14:45"Челси" тасвирий санъат асари услубидаги сафар либосини намойиш этди  1 14:17Ҳоланд изидан: "Манчестер Сити" норвегиялик вундеркинд билан шартнома имзолашга яқин  0 13:48СҚБ халқаро мусобақада ғолиб чиқди  0 13:19"Челси" КЖЧ учун қайдномасини эълон қилди  0 12:51Дунёнинг энг кучли футбол лигалари эълон қилинди. АПЛга қайси лига рақобатчи?  13 12:26Англия терма жамоаси тарихда илк бор Африка жамоасига мағлуб бўлди  4 12:02ЖЧ саралаш учинчи босқич якунлари. Тўртинчи босқич қачон бўлади?  23 11:36Доннарумма ПСЖни тарк этиши мумкин. Клуб янги шартнома бўйича келишувга эриша олмади  10 11:02“Бавария“ Испания МТЖ аъзосини сотиб олмоқчи  0 10:36“Бетис“ Антони бўйича МЮга таклиф билан чиқди  0 10:10“Бавария“ футболчиси фаолиятини “Ал Насср“да давом эттириши мумкин  0 09:45“Интер“нинг клублар ўртасидаги ЖЧга қайдномаси маълум  1 09:17Саудия Арабистонликлар яна бир топ мураббийни лигага олиб келишмоқчи  2 08:49“Ювентус“ мураббий борасида бир қарорга келди  1 08:20ПСЖ 2025/26 йилги мавсум учун уй либосини тақдим этди  0

Asqar Jadigerov Pro-ligadagi jamoasi va "Zomin"ga qarshi uchrashuv haqida Yangiliklar

Asqar Jadigerov Pro-ligadagi jamoasi va "Zomin"ga qarshi uchrashuv haqida

O'z vaqtida mamlakatimiz va xorij klublarida o'ynagan tajribali yarim himoyachilardan biri Asqar Jadigerov joriy mavsum arafasida Pro-liga safiga qo'shilgan “PFK Nurafshon-Inter” jamoasi safida faoliyat yuritmoqda.

Kuni kecha poytaxt viloyati vakillari “Zomin” jamoasiga mezbonlik qildi. Keskin va murosasiz kechgan bahsda kuchlar teng keldi, - 1:1. Uchrashuv yakuniga etgach “Nurafshon-Inter” jamoasi futbolchisi A.Jadigerovni suhbatga chorladik.

- Ob-havo injiqliklari o'yinga o'z tasirini o'tkazmasdan qolmadi. Uchrashuv davomida yog'gan kuchli yomg'ir va esgan shamol futbolchilarning maydonda erkinroq to'p tepishlariga to'sqinlik qildi. Nazarimda, raqiblar namoyish etgan futbol muxlislarga maqul keldi. Afsuski, jamoadosh do'stlarim yaratilgan qulay vaziyatlardan unumli foydalana olishmadi, - deya o'z so'zini boshladi, A.Jadigerov. – Tan olish lozim, avvallari jamoalarda futbol o'ynab yurgan kezlarim nega bizga oylik yoki mukofot pullarini o'z vaqtida berishmayapti deb nolirdik. Hozirda “PFK Nurafshon-Inter” klubi mutasaddilariga bu borada yordam berib kelyapman. SHunga amin bo'ldimki, klubga tegishli tashkiliy masalalarni hal qilishdan ko'ra, futbol o'ynash osonroq ekan.

- Jamoa haqida nimalar deya olasiz...

- Jamoamiz o'z debyut mavsumida Pro-ligada viloyatimiz bilan bir qatorda Yuqori CHirchiq tumani shanini ham himoya qiladi. O'zim ham shu tumanda tug'ilib, millionlar o'yinining o'ziga xos dastlabki sir-asrorlarini o'rganganman. Tuman ravnaqiga hissa qo'shish fursati etdi. Umuman olganda tumanimiz o'zbek futboliga juda ko'plab taniqli futbol yulduzlarini etkazib bergan. “Paxtakor-79” azolari Mixail An va Olimjon Ashirovlar ham shu tumanda voyaga etishgan. Rahbariyat klub infratuzilmasini yanada shakllantirish maqsadida bir qator ishlarni amalga oshirmoqda. Masalan, iqtidorli yoshlar tarkibga jalb qilingan.  Qolaversa, klub negizida farm klub hamda o'smirlar jamoalari tashkil etildi. Farm klubimiz Toshkent viloyati ikkinchi ligasida ishtirok etmoqda.Yana shuni qo'shimcha qilish kerakki, jamoa murabbiylar tarkibiga qo'shish maqsadida o'zbek futboli rivojiga hissa qo'shgan tajribali mutaxassislar bilan muzokaralar olib boryapmiz. Ularning safimizda paydo bo'lishi jamoamiz o'yinini yanada kuchaytirishiga ishonaman. Hozirda klub rahbariyati tomonidan mavsumiy va bir o'yinlik chiptalar sotish yo'lga qo'yildi.

“Paxtakor-79” sardori Mixail Anning xoki Ahmad Yassaviy mahallasi qabristoniga ko'milgan. Kuni kecha jamoamiz azolari va klub rahbariyati Mixail Anning qabrini ziyorat qilishdi. Uning sobiq Ittifoq va o'zbek futbolida o'rni haqida malumot berildi.

- Klub o'z oldiga qanday vazifalarni qo'ygan?

- Iqtidorli futbolchilarni kashf etish va shu orqali ishqibozlar ishonchini oqlashni niyat qilganmiz. Agarda ortga nazar tashlaydigan bo'lsak, jamoamiz 4 rasmiy uchrashuv o'tkazdi. Quvonarlisi, o'yindan o'yinga futbolchilarning mahorati oshib bormoqda. Futbolchilarning harakatlarida sifat ko'zga tashlanmoqda. To'g'ri, bizni yanada jiddiy va murakkab o'yinlar kutib turibdi. Jamoaning o'yinidagi barqarorlikni saqlab qoladigan bo'lsak, mavsumni ko'tarinki kayfiyatda o'tkazamiz.

Nematjon Ahmedov suhbatlashdi

Reyting: +3   

Fikrlar

championat.asia
< so’nggi yangiliklarni ko’rish
Яндекс.Метрика