ARXIV. Aliqulovning "Paxtakor"dagi so'nggi bahsi, markaziy hujumda o'ynagan Jasur Hasanov, Geynrixdan supergol. 2009 yilgi Toshkent derbisini yodga olamiz

Paxtakor Abbosbek Fayzullayev - 18', Farrux Sayfiyev - 86'

Superliga. 13-tur 29/06/2022, 20:00 3 : 2 Tugadi

Bunyodkor Jasur Hakimov - 51', Umarali Rahmonaliyev - 81', Umarali Rahmonaliyev - 90'

45'

90'

18'  Abbosbek Fayzullayev

67'  Xojimat Erkinov

73'  Diyor Xolmatov (Xozhiakbar Alizhonov)

86'  Farrux Sayfiyev

46'  Farxod Miraxmatov (Bilol Tupliev)

51'  Jasur Hakimov

56'  Francis Narx (Usmonali Ismonaliev)

72'  Jasur Hakimov (Rasul Yo'ldoshev)

81'  Umarali Rahmonaliyev

90'  Umarali Rahmonaliyev

90'  Umarali Rahmonaliyev (G'ayrat Azizxo'zhaev)

90'  Ibrohim Tomiva (Husayin Ergashboev)

Match-senterda ochish

Ushbu jamoalar ishtirokidagi uchrashuvlar o'z vaqtida diqqat markazida turgan bo'lar, nisbatan kuchsizlangan "Paxtakor" Rivaldosi bor "Bunyodkor"ga etarlicha qarshilik ko'rsatardi. Jamoalar tarkibi o'rtasidagi farq deyarli sezilmagan. Quyida shunday ajoyib bahslardan birini yodga olamiz. 

2009 yilgi Oliy liganing 11-turida muxlislar bilan to'lib toshgan "Jar" stadionida Toshkent derbisi bo'lib o'tgandi. Skolari boshchiligidagi "Bunyodkor" Viktor Jalilov boshchiligidagi "Paxtakor"ni qabul qilgandi. O'sha o'yinga "Bunyodkor" 14ta o'yinda 14ta g'alab, "Paxtakor" esa 14ta o'yinda 11ta g'alaba va 3ta durang qayd etib mag'lubiyatsiz etib kelishgandi. 

Uchrashuvdagi hisob 21-daqiqada ochiladi. Rivaldoning aqlli to'p uzatishidan keyin Jasur Hasanov katta tezlikda oldinga o'tib to'pni jarima maydoni markaziga uzatadi, bu erda tajribali himoyachi Asror Aliqulov xavfni baratarf etaman deb kutilmaganda avtogol muallifiga aylanadi - 1:0. Agar to'p Aliqulovdan o'tib ketganida uning ortida turgan Vilyanueva baribir gol urardi. Afsuski mazkur bahs Aliqulov uchun "Paxtakor" libosidagi so'nggi o'yin bo'lib qoladi. O'sha uchrashuvning 61-daqiqasida almashtirilgan himoyachi boshqa "sherlar" tarkibida umuman maydonga tushmaydi.

Oradan 6 daqiqa o'tgach Xayrulla Karimov Ravshan Ermatovdan ikkinchi sariq kartochkasini olib maydonni tark etadi. Skolari darhol hujumda o'ynayotgan chililik hujumchi Xose Luis Vilyanuevaning o'rniga himoyachi Baxtiyor Ashurmatovni tushiradi. SHudan so'ng markaziy hujumchi rolida gohida Jasur Hasanov, gohida Server Jeparov paydo bo'la boshlashadi.

Ikkinchi taym o'rtalarida markazdagi xatodan keyin Rivaldo yana bir aqlli to'p uzatishni amalga oshiradi, bu safar ham Hasanov to'pni egallab Timur Jo'raevni aldab bo'sh darvozani ishg'ol qiladi - 2:0. 

71-daqiqada uchrashuvni bezab bergan gol uriladi. O'zi ishlagan jarima to'pini Aleksandr Geynrix ajoyib tarzda amalga oshiradi - 2:1. 

Qolgan daqiqalarda hisob o'zgarmaydi va "Bunyodkor" principial raqibi ustidan g'alabaga erishadi. "Paxtakor" mavsumdagi birinchi mag'lubiyatini shu tariqa qabul qilib oladi. 

BUNYODKOR - PAXTAKOR - 2:1 (1:0)

12.07.2009. 11-tur. Toshkent. "Jar" stadioni. 9251 tomoshabin.

Hakam: Ermatov Ravshan - 9,8

Gollar:
1:0 - Aliqulov Asror (avtogol), 21
2:0 - Hasanov Jasur O., 58
2:1 - Geynrix Aleksandr, 71

BUNYODKOR: Zuhurov Murod; Karimov Xayrulla; G'ofurov Anvar; Jo'raev Sahob; Edson Ramos; Joao Viktor; Haydarov Aziz; Hasanov Jasur O. (Karpenko Viktor, 79); Jeparov Server (Kapadze Timur, 83); Rivaldo Vitor Borba; Vilyanueva Xose Luis (Ashurmatov Baxtiyor, 33).

PAXTAKOR: Jo'raev Timur; Aliqulov Asror (Tojiev Farhod, 62); Miladinovich Boyan; Suyunov Ilhom; Tojiev Kamoliddin; Ismoilov Anzur (Xolmatov Akmal, 72); Ahmedov Odil; Karimov SHerzod (Magdeev Ildar, 42); Andreev Stanislav; Geynrix Aleksandr; Tojiev Zayniddin.

Ogohlantirishlar: Karimov Xayrulla, 6; Ismoilov Anzur, 6; Hasanov Jasur O., 9; Karimov SHerzod, 9; Jeparov Server, 13; Ahmedov Odil, 39; Jo'raev Sahob, 47; Tojiev Zayniddin, 50; Tojiev Farhod, 64
CHetlatish: Karimov Xayrulla, 27 (2SK).

Videoni taqdim etgani uchun Bahodir Mirzaevga saytimiz o'quvchilari nomidan minnatdorchilik bildiramiz.