Arslonmirat Amanov: "Mavsumdagi ilk golim jamoaga g'alaba keltirganidan xursandman"

Bellashuvda zaxiradan maydonga tushgan Arslonmirat Amanov yagona golni kiritgandi. O'yinda Mirjalol Qosimov tomonidan o'z vaqtida zaxiradan maydonga tushirilgan Amanov fikrlari bilan o'rtoqlashdi.

— Katta oraliqdagi tanaffusdan keyin jamoamiz asta-sekin o'z o'yinini topib bormoqda. Optimal formaga kirish uchun biroz vaqt kerak. Bitta gol kam, ko'proq gol urib, o'zimizga qulay sharoit yaratib, xotirjam futbol o'ynashimiz uchun ham bu kerak. Bu orqali futbolchilar o'z kuchiga bo'lgan ishonchni his etib oladi. Bu borada ishlayapmiz.

Maydonga tushishimdan avval Mirjalol Qosimov omad tiladi. Ochig'i, jamoaga g'alaba keltiruvchi golga mualliflik qilganimdan va muhim 3 ochko qo'lga kiritilishida yordamim tekkanidan xursandman. Bu yangi mavsumdagi ilk golim. Bu ham quvonchli.

Joriy mavsumda jamoa oldiga aniq vazifa — OCHLga yo'llanma olish qo'yilgan.  SHu bois vazifani bajarish uchun har bir o'yinda maksimal kuch bilan maydonda borimizni beramiz va muhim ochkolarni qo'lga kiritishga harakat qilamiz.