APLdagilar ishqibozlarsiz o'tadigan o'yin vaqtida muxlislar shovqinini yoqishmoqchi. Bu ishni CHLning so'nggi o'yinlarida amalga oshirishgandi
19 apr 2020 15:14
Yangiliklar
![](https://championat.asia/upload/storage/560664_original.jpg)
![](/upload/storage/560664_220.jpg)
APLdagilar ishqibozlarsiz o'tadigan o'yin vaqtida muxlislar shovqinini yoqishmoqchi. Bu ishni CHLning so'nggi o'yinlarida amalga oshirishgandi
Angliyada koronavirus bilan bog'liq vaziyat yaxshi emas: Buyuk Britaniyada kasallanish o'zining cho'qqisiga chiqqani yo'q, ammo klublar mavsum davom etishiga tayyorgarlik ko'rishmoqda (muxlislarsiz).
Masalan, "Brayton" va yana bir nechta klub tribunada muxlislarning qo'shiqlari yozilgan ovozni yoqib qo'ymoqchi. Bundan tashqari teletranslyaciyada ko'rinadigan tribunalarni biror material bilan yopib qo'yish va pirotexnik shoular haqida bosh qotirishmoqda. Bo'sh stadionda bu shartmi?
"Klubdagilar stadionga bezak berish haqida o'ylashni boshlab yuborishgan. Oddiy ko'k o'rindiqlar o'rniga biror narsa uyushtirarmiz. Qandaydir tovush yoqib qo'yarmiz, ammo uyda o'tirgan muxlislar va translyaciyadagilar buni istayotganmikan?
Ishqibozlarsiz futbol biz istagan o'yin emas, ammo bu chempionatlarni davom ettirishning yagona yo'li va uni tanlashga majburmiz.
Ko'k o'rindiqlar yopib qo'yilishini istayman. U erga milliy sog'liqni saqlash xizmatiga minnatdorchilik so'zlari yozilgan bannerni qo'yishimiz mumkin, biz tribunani yaxshi maqsadda ishlatamiz" - deydi "Brayton" ijro direktori Pol Barber.
"Mestalya"da bunday ishni amalga oshirib bo'lishgan: "Valensiya" "Atalanta"ga qarshi bo'sh arenada o'ynaganida muxlislarning shovqini yozilgan audio yoqib qo'yilgan edi.
Yana bir voqea Parijda bo'lgan: PSJ "Borussiya"ga qarshi javob o'yinidan oldin arenaga nafaqat ovoz kuchaytirgich olib kirgan, balki ekran orqali muxlislar fan-zonasini ko'rsatib turgandi.
O’xshash yangiliklar
![AMP Logo](https://championat.asia/image/logo-amp.png)
Fikrlar