APL. Bugungi restart uchun prevyu

Bu 2 uchrashuv Angliya liga kubogi tufayli qoldirilgan (aslida fevral oyi so'nggida bo'lib o'tishi kerak edi) bo'lib, 28-tur taqvimidan o'rin olgan edi. Bular - “Aston Villa” – “SHeffild Yunayted”, “Manchester Siti” – “Arsenal”. 

17.06 22:00 (Toshkent vaqti) “Aston Villa” - “SHeffild Yunayted"

"Aston Villa" jamoasi ayni damda turnir autsayderlari qatorida, yani 19-o'rinda joylashgan bo'lsa, "SHeffild Yunayted" 7-o'rinda bormoqda. Biroq bu o'yinga hech qanday tasirini o'tkazmaydi, sababi barcha jamoalar endigina karantindan qaytgan va futbolchilarning sport formasi yuqori darajada deb bo'lmaydi.

Tarkiblar bo'yicha

"Aston Villa"ning asosiy ustunligi shundaki, jamoaning shotlandiyalik yarim himoyachisi Jon Makginn jarohati tufayli yuzaga kelgan olti oylik tanaffusdan keyin safga qaytgan. Bu klub bosh murabbiyi Din Smitni quvontirishi aniq.

Pepe Reyna extiyotsizligi bois kichik jarohatga uchragandi, hozir esa ispaniyalik posbon jamoadagi boshqa darvozabonlar Jed Stir va Eryan Nyulann bilan yaxshigina raqobatlashishiga to'g'ri keladi. 

Klub asosiy posboni bo'lmish Tom Xiton va hujumchi Vesli hozir jarohatini davolash bilan band.  

Kris Uaylder qo'l ostidagi mehmonlarda aytarli muammo yo'q. Karantindan oldin bo'lgan bo'lishi mumkin, ammo hozir emas. 

Klub uchun xushxabarlardan biri,  bu MYU darvozaboni Din Xenderson bilan ijara shartnoma muddati uzatirilganligidir, demak, darvozabon boshqa bir "Yunayted" darvozasini qo'riqlashda davom etadi.

"SHeffild Yunayted"dagi asosiy muammo (aslida, buni muammo deb ham bo'lmaydi) - hujum chizig'ida ikki kishining to'p tepishi. CHunki jamoada 3 nafar saviyali hujumchi yig'ilgan - Devid Makgoldrik, Lis Musse va Billi SHarp.

O'zaro o'yinlardagi natijalar

O'yinga oid faktlar:

- "Aston Villa" oxirgi 4 o'yinda faqat yutqazgan (Premer-liga).

-  "Aston Villa"ning oxirgi 6 uy o'yinida 2 tadan ko'p gol urilgan (Premer-liga).

- "SHeffild Yunayted" "Aston Villa" bilan so'nggi 6 o'yindan 5 tasida 2 tadan kam gol urmagan (barcha musobaqalar).

Taxminiy tarkiblar

"Aston Villa" (4-3-3): Nyulann - Gilber, Engels, Mings, Targett - Makginn, Nakamba, Luis - Samatta, El-Gazi, Grilish

"SHeffild Yunayted" (3-5-2): Xenderson - Beshem, Igan, O’Konnell - Boldok, Landstryom, Norvud, Flek, Stivens - Makgoldrik, Makberni    

Jamoalarning jarohatlangan futbolchilari: Xiton, Vesli ("Aston Villa)

Aston Villa

Premier League . 28-tur 17/06/2020, 22:00 0 : 0 Tugadi

Sheffield United

Stadion: Villa Park, 0 tomoshabin

Bosh hakam: Michael Oliver

45'

90'

27'  Douglas Luiz

69'  Keinan Davis (Mbwana Samatta)

69'  Anwar El-Ghazi (Trezeguet)

76'  John McGinn (Marvelous Nakamba)

76'  Ezri Konsa (Ahmed El Mohamady)

36'  John Lundstram

69'  Billy Sharp (David McGoldrick)

69'  Sander Berge (Luke Freeman)

80'  Oliver McBurnie (Lys Mousset)

Match-senterda ochish

18.06 00:15 (Toshkent vaqti) “Manchester Siti” - “Arsenal”

Gvardiola shogirdlari karantindan oldingi so'nggi bahsda MYUga mag'lub bo'lgandi, Mikel Arteta boshchiligidagi "Arsenal"ning esa tanaffusdan oldingi ketma-ket g'alabalari, evrokuboklar, hatto, CHempionlar ligasi uchun kurashda umid uyg'otdi.

Bu o'yindagi eng qiziq jihat, shubhasiz, Pep Gvardiolaning sobiq yordamchisi Artetaning "Etixad"ga tashrifi bo'ladi. 

Aytib o'tish kerakki, mezbonlar tarkib jihatdan ancha kuchli, lekin hozirgi vaziyat har doimgisidan farq qiladi. 

“SHaharliklar” turnir jadvalida 2-o'rinni egallab turgan bo'lishsa, “to'pchilar” 9-o'ringa joylashishgan. 

Tarkiblar bo'yicha

Gvardiolada har bir poziciya uchun variantlar talaygina.  

"Manchester Siti" azolari Kevin De Bryoyne va Emerik Lyaport safga qaytgan va chorshanba kuni asosiy tarkibda tushishlari kutilmoqda. 

SHuningdek, Leroy Sane mashg'ulotlarda faol qatnashmoqda, u Rahim Sterling hamda Riyad Maxrez bilan raqobatlashishga tayyor.

Jarohat tufayli mavsumning katta qismini o'tkazib yuborgan himoyachilar - Ektor Belerin, Sead Kolashinac va Kiran Tirni hozir maydonga tushishga shay.

O'z o'rnida eslatib o'tish joiz,  Kalum CHembers va Lukas Torreyra og'ir jarohatini davolash bilan band.

Hozirgi paytda Arteta uchun chap qanot himoyachisi sifatida yosh Bukayo Saka nomzodi baribir ideal variant bo'lib qolsa kerak. Hujumda katta ehtimol bilan Obameyang - Lyakazett juftligini ko'ramiz.

O'zaro o'yinlardagi natijalar

O'yinga oid faktlar:

- "Manchester Siti" so'nggi 33 uy o'yinidan 28 tasida g'alaba qozongan (Premer-liga). 

- O'zaro kechgan so'nggi 6 bahsda "Manchester Siti" yutgan (barcha musobaqalar). 

- "Arsenal" oxirgi 3 o'yinda raqiblari ustidan faqat g'alabaga erishgan (Premer-liga). 

- "Manchester Siti" "Arsenal"ga qarshi oxirgi 6 o'yindan 5 tasida kamida 3 ta gol urgan (barcha turnirlar). 

- "SHaharliklar" so'nggi 5 o'yinda raqiblar darvozasiga kamida 2 ta to'p kiritgan (Premer-liga).

Taxminiy tarkiblar

"Manchester Siti" (4-3-3): Ederson - Uoker, Fernandino, Lyaport, Mendi -  De Bryoyne, Rodri, Gyugdogan - Maxrez, Aguero, Sterling

 "Arsenal" (4-2-3-1): Leno - Belerin, Sokratis, Luiz, Saka - Sebalos, Jaka, Pepe, Ozil, Obameyang - Lyakazett 

Jamoalarning jarohatlangan futbolchilari: CHembers, Torreyra ("Arsenal")

Manchester City Raheem Sterling - 45', Kevin De Bruyne - 51', Phil Foden - 90'

Premier League . 28-tur 18/06/2020, 00:15 0 : 3 Tugadi

Arsenal

Stadion: Etihad Stadium, 0 tomoshabin

Bosh hakam: Anthony Taylor

45'

90'

45'  Raheem Sterling

51'  Kevin De Bruyne

65'  David Silva (Bernardo Silva)

65'  Riyad Mahrez (Phil Foden)

70'  Kevin De Bruyne (Rodri)

70'  Aymeric Laporte (Fernandinho)

79'  Rodri

80'  Gabriel Jesus (Sergio Aguero)

90'  Phil Foden

8'  Granit Xhaka (Daniel Ceballos)

24'  Pablo Mari (David Luiz)

49'  David Luiz

67'  Matteo Guendouzi (Ainsley Maitland-Niles)

67'  Edward Nketiah (Alexandre Lacazette)

67'  Joseph Willock (Reiss Nelson)

76'  Kieran Tierney

Match-senterda ochish

Turnir jadvali 

SHerzod Nurmatov tayyorladi.