Anvar Berdiev: "Maydon borasida muammolar bor, jamoamiz rahbarlari jon kuydirishmoqda"

"Va nihoyat g'alaba qozondik. Bu mavsumda Pro ligada o'tkinchi o'yinlarni o'zi yo'q. Har bir ochko oltinga teng bo'lmoqda. Bilamiz, joriy mavsumda Pro ligada format o'zgargan. Kuchli to'rtlikka kirish uchun kurash oxirgi turga qadar davom etsa kerak. Hali hech narsa yo'qotmaganmiz, kuchli to'rtlikka kirish uchun harakat qilamiz. "Xorazm"ni bugungi o'yinini olib qaraydigan bo'lsak hali ko'p jamoalarga bosh og'riq bo'ladi.

Televizorda tomosha qilgan bo'lsangiz "Turon", "Neftchi" bilan o'yinlarda juda ko'p vaziyatlar yaratmoqdamiz. Lekin, gol urishga kelganda omad yuz o'girmoqda. Omadni ham ro'kach qilmagan bo'lardim. Mana bugun penaltidan ham gol ura olmadik. O'yinni tahlil qilamiz. Mashg'ulotlarda ishlaymiz. Etiborni vaziyatlarni golni aylantirishga qaratdik.

"Dinamo", "Turon", "Oq-tepa" "Neftchi" jiddiy kurash olib boradi. Hammada imkoniyat bor. "Xorazm"ni ham safdan chiqarmaslikni so'rardim. Kim o'yinga tayyor bo'lsa o'sha jamoa g'alaba qozonmoqda. O'yinchini tajribasi yoki nomlar hech narsani hal qilmayapti.

Maydon borasida muammolar bor. Jamoamiz rahbarlari jon kuydirishmoqda. Bu muammo tez orada hal bo'ladi degan umiddamiz. Viloyat hokimi ham bizning jamoaga befarq emas. Vaziyat ijobiy tomonga hal bo'ladi degan umiddamiz",- deydi Anvar Berdiev.