18 ёшли испаниялик футболчининг жароҳатдан кейин қайтиши кечикмоқда.
Ҳужумчи 2020 йилнинг ноябрида тиззасидан олган жароҳати сабаб анча муддатга сафдан чиқди ва ҳозир ҳам тикланишни давом эттирмоқда. У кейинги халқаро танаффусдан кейин қайтиши мумкин.
Шундай экан, Фати "Бавария", "Гранада", "Кадис", "Леванте", "Бенфика" ва "Атлетико"Га қарши ўйинларни ўтказиб юборади. Аммо, клуб ўйинчининг қайтишини тезлатмоқчи эмас.
Фати - "Барселона" тарбияланувчиси. Форвард 2020/21 йилги мавсум 10та ўйинда майдонга тушиб, 5та гол ва 4та ассист қайд этди.
