"Anri maydon chetida g'azabdan es-hushini yo'qotib qo'yay dedi". Taniqli franciyalik mutaxassisning Ilgiz Tantashev hakamlik qilgan o'yinda hakamlardan qanday jahli chiqqani haqida

- Franciya - Gvineya uchrashuvining birinchi bo'limi oxirida gvineyaliklar gol urdi. Yordamchi hakam bayroqchani ko'tarmadi, men golni hisobladim, ammo ehtimoliy ofsaydni ko'rib chiqishni boshladik. VAR vaziyatni bir daqiqa tekshirdi, ikki daqiqa tekshirdi... Franciya olimpiya terma jamoasi bosh murabbiyi Terri Anri bu paytda maydon chetida darg'azab bo'lib, o'zini yo'qotib qo'yayozdi va zaxira hakamiga "yopishib oldi": "Bu nimasi? Nega vaziyatni ko'rib chiqish buncha uzoq cho'zilyapti?!"

Gap shundaki, Olimpiya o'yinlarida yarim avtomatik ofsaydni aniqlash tizimi qo'llanilgan edi. Quloqchinlarda ofsayd bor-yo'qligi darhol eshitiladi. Ammo bu tizim ham mukammal emasdi, yani bu qurilma aniqlay olmaydigan holatlar mavjud edi. Bizning o'yinimizda ham shunday holat yuz bergan edi: gol urgan o'yinchi to'p uzatilgan paytda ofsaydda edi, u biroz orqaga, o'yinchilar jamuljam bo'lgan nuqtaga qaytib, yana oldinga yugurdi. Tizim buni aniqlay olmadi va biz ofsayd chiziqlarini qo'lda chizishga majbur bo'ldik. 

SHu payt VAR xonasidagi operator allaqanday tugmani bosdi-yu, hamma narsa g'oyib bo'ldi! Butun tizim o'chib qoldi. Biz maydonda kutib turibmiz. Anri chiziq yonida baqir-chaqir qilyapti, jamoa sardori Lyakazett yaqinlashib, bir nimalar deyapti. Hech kim hech narsani tushunmayapti, nega o'yin qayta boshlanmayapti, deb so'rashyapti.

Oxir-oqibat menga ofsayd bo'lganini va golni bekor qilish kerakligini aytishdi. Bularning barchasiga uch daqiqacha vaqt ketdi. O'yindan keyin hakamlik bo'yicha rahbarimiz buni "Disaster" ("Fojia") deb atadi.

Eslatib o'tamiz, "Paxtakor" - OKMK o'yinida (0:2) VAR mehmonlar tomonidan urilgan golni 13 daqiqa davomida tekshirgandi.

Ilgiz Tantashev ishtirokidagi "Fint Turaeva" podkastining to'liq versiyasini quyidagi havola orqali tomosha qilishingiz mumkin (rus tilida):