Angliya futbol akademiyasining ochilish marosimidan reportaj. "Fulxem" va "Lester" sobiq bosh murabbiyi nimalar deganini bilasizmi?
05 iyu 2021 13:29
Yangiliklar
![](https://championat.asia/upload/storage/640823_original.jpg)
![](/upload/storage/640823_220.jpg)
Angliya futbol akademiyasining ochilish marosimidan reportaj. "Fulxem" va "Lester" sobiq bosh murabbiyi nimalar deganini bilasizmi?
Tantanali va bayramona tarzda o'tgan tadbirda Toshkent davlat transport universiteti rektori Odiljon Abdurahmonov, “Brooke House College football Academy” akademiyasining direktori Miki Adams, futbolimiz afsonalari Birodar Abduraimov, Vyacheslav Soloxo va O'zbekistonda xizmat ko'rsatgan artist Kozim Qayumov, hamda boshqa mehmonlar ishtirok etishdi. Ochilish marosimining avvalida Toshkent davlat transport rektori Odiljon Abdurahmonov so'zga chiqdi.
"Avvalambor, assalomu aleykum hurmatli mehmonlar. Barchangizni universitetimizda ko'rib turganimdan xursandman. “Brooke House College football Academy” akademiyasining ochilishi biz uchun oldinga tashlangan katta qadam hisoblanadi. Malumki, mamlakatimizda yoshlar orasida futbolni ommaviylashtirish, sog'lom turmush tarzini targ'ib qilish bo'yicha ko'p vazifalar belgilab berilgan. Futbol barchamiz sevib o'ynaydigan sport turi hisoblanadi. “Brooke House College football Academy” akademiyasining bizda tashkil topishi ko'plab yoshlarimizga keng imkoniyatlarni, yangi marralarni egallashiga yordam beradi",- deydi Odiljon Abdurahmonov.
Keyingi so'z navbati “Brooke House College football Academy” akademiyasining texnik direktori, "Lester", "Fulxem" jamoalarining sobiq bosh murabbiyi Miki Adams fikrlari bilan o'rtoqlashdi.
"Toshkentda “Brooke House College football Academy” akademiyasini ochishdan mamnunmiz. Fursatdan foydalanib bu loyihani amalga oshishida katta hissa qo'shayotgan hamkorlarimiz SHuhrat Ernazarovga, universitet rektori Odil Abdurahmonovga, Buyuk Britaniyaning O'zbekistondagi elchisi Rustam Mirsaidovga minnatdorchilik bildirib qolaman. “Brooke House College football Academy” akademiyasini ochish bir necha yillar oldin maqsadlarimizdan biri hisoblanardi. CHunki men ham bir vaqtlar bolaligimda do'stlarim bilan futbol o'ynab turib professional klubda to'p tepishni orzu qilganman. Buning uchun o'z ustimda ko'p ishlaganman. O'ylaymanki bunday imkoniyat har bir bolada bor. Mazkur loyihamiz markaziy Osiyoda ilk bor O'zbekistonda amalga oshirilmoqda",- deydi Miki Adams.
Tadbirga tashrif buyurgan o'zbek futbolining afsonalaridan biri, "Paxtakor" jamoasida uzoq yillar to'p tepgan va samarali faoliyat olib borgan Birodar Abduraimov ham o'z fikrlarini bildirib o'tdi.
"O'zbek futboli tarixida birinchi marotaba Angliya futbol akademiyasi ochildi. Bu bilan barchani tabriklayman. Ushbu mamlakat futboli dunyoda birinchi o'rinda turadi. Millionlar o'yining vatani, desak mubolag'a bo'lmaydi. Kelajakda mazkur akademiya terma jamoamizga yaxshi futbolchilarni etkazib beradi, deb o'ylayman. Toshkent transport davlat universiteti xududida ko'plab taniqli futbolchilar mashg'ulot o'tkazgan. Igor SHkvirin, Bahodir Ibragimov, Vilgelm Qahhorov shu tumanda to'p tepgan. Hammaga omad tilayman",- deydi Birodar Abduraimov.
Tadbir yakunida mehmonlarga esdalik sovg'alari, Miki Adams imzosi tushirilgan to'plar topshirildi va esdalik uchun fotosessiya bo'lib o'tdi.
Futbol akademiyasining keyingi faoliyati haqida batafsil malumotni quyidagi saytdan olish mumkin: http://tstu.uz
Abdulaziz Iskandarov tayyorladi
O’xshash yangiliklar
![AMP Logo](https://championat.asia/image/logo-amp.png)
Fikrlar