Angliya. 35-tur. "Norvich" – "Liverpul" 2:3

Norvich – Liverpul  2:3
20 aprel, 16.00, Karrou Roud
Gollar: 0:1 – 4 Sterling,  0:2 – 11 Suares,  1:2 – 54 Xuper,  1:3 – 62 Sterling,  2:3 – 77 Snodgrass.
Norvich – Raddi, Martin, Terner, Uittaker, Mart. Olsson,  Xauson, Djonson, Snodgrass, Fer (Merfi, 78), Redmond, Xuper (van Volfsvinkel, 78).
Liverpul – Minole, Djonson, SHkrtel, M. Sako, Flanagan, Allen (Agger, 81), Djons, Lukas, Koutino (Mozes, 75), Suares, Sterling.
Ogohlantirishlar: Snodgrass (29), Terner (45), SHkrtel (65),  Xauson (72), Flanagan (79).


                             MATNLI TRANSLYACIYA
                                        YANGILASH

90+4. Uchrashuv yakunlandi. "Liverpul" qiyin ammo muhim g'alabaga erishdi va chempionlik uchun yana bir qadam tashladi.
90+4. Raddi endi raqib jarima maydoni ichiga bordi, biroq uning foydasi tekkani yo'q.
90+2. RADDIga tasanno! Suares o'zi gol urishi mumkin bo'lgan joyda Allenga to'pni oshirdi, Joning zarbasini Jon Raddi qaytardi!
90. O'yinga 4 daqiqa qo'shib berildi
90. Jon Raddi to'pni tezroq o'yinga kiritishga harakat qilmoqda...
89. Turner maydon markaziga yaqin joyda Suaresga nisbatan qo'pol o'ynadi endi qanotda Sterling yiqitildi.
86. "Norvich" hisobni tenglashtirish uchun bor kuchi bilan harakat qilmoqda. "Liverpul" mana shu hisobni saqlab qolishga intilmoqda.
82. Xavfli vaziyat! Yana havodan to'p jarima maydoniga oshirildi, zaxiradan maydonga tushgan Van Volfsvinkel boshi bilan darvozaga yo'lladi, Minole to'pni bir amallab qaytardi
79. O'zgarish. "Liverpul". Jo Allen o'rniga Agger tushdi
77. O'zgarishlar. "Norvich". Xuper o'rniga Van Volfsvinkel, Fer o'rniga Josh Myorfi tushdi



76. CHap qanotdan jarima maydoniga havolatib oshirib berilgan to'pni Robert Snodgrass boshi bilan darvozaning to'qqizligiga joylab qo'ydi - 2:3.
76. GOOOOOOOOOOOOOOOOOOOL. SNODGRASS! 2:3
74. O'zgarish. "Liverpul". Koutino o'rniga Mozes tushdi
73. Leroy Fer boshi bilan darvozaga zarba berdi, noaniq.
72. Ogohlantirish. "Norvich". Xovson
69. Burchak to'pidan so'ng Uittaker boshi bilan darvozaga zarba berdi, to'p darvoza to'sini ustidan o'tib ketdi
67. Snodgrassning 25 metrlardan yo'llagan zarbasidan so'ng Minole to'pni qaytardi
65. Xuperning gol urgan vaziyati



64. Ogohlantirish. "Liverpul". Martin SHkrtel
62. Maydon markaziga yaqin joyda to'pni egallab olgan Rahim jarima maydoni yoniga yaqinlashib bordi va darvozaga zarba berdi, to'p himoyachiga tegib Raddini ustidan o'tib golga aylandi - 1:3.
61. GOOOOOOOOOOOOOOOOOOOOL. STERLING! 1:3.
58. Luis Suaressss! Ha u ham noaniq zarba berib turadi, gohida. Hozir shunday bo'ldi, ikki himoyachini aldab darvozaga zarba berdi, to'p ustun yonidan o'tib ketdi.
57. "Norvich" uchun ochko juda zarur, klub elitada qolishi uchun bugun kamida ochko olish uchun borini beradi.
56. Suares to'pni darvozaga yo'lladi, posbon o'z o'rnida.



55. O'ng qanotdan to'p jarima maydoniga uzatildi, Minole Fer bilan havo jangida g'olib bo'ldi, ammo qaytgan to'pni Gari Xuper darvozaga joylab qo'ydi - 1:2.
54. GOOOOOOOOOOOOOOOOOOOOOOOL. XUPER! 1:2
51. Snodgrass raqib jarima maydoni ichida yiqildi. Bosh hakam bunga parvo ham qilmadi
49. Dahshatli pas! Suares maydon markazidan to'pni dioganal bo'ylab chap qanotdagi Koutinoga oshirdi. U to'pni jarima maydoniga kirib kelayotgan Sterilingga tashladi. Rahimning chap oyoqda to'xtatmasdan yo'llagan zarbasi to'sin ustidan o'tib ketdi
47. Jerrard jarima to'pini amalga oshirdi. Hujumga yordamga kelgan SHkrtel boshi bilan darvozaga zarba bera olmadi
46. Ikkinchi bo'lim boshlandi.

- Sterling goldan so'ng



45+2. Quyosh ostida kechayotgan bahsning dastlabki 45 daqiqasida Luis Suares xatto terlamagani diqqatimizni tortdi. Tanaffus.
45+2. Lukas Leyva qoida buzishga buzib hakamdan uzr so'radi, hakam ham inson kechirdi.
45. Birinchi bo'limga 2 daqiqa qo'shib berildi
43. Yana Koutino diqqat markazimizda. Uning yo'llagan zarbasi uzoq burchak yonidan o'tib ketdi
40. Koutino tomonidan amalga oshirilgan burchak to'pidan so'ng Sissoko boshi bilan darvozaga yo'lladi, noaniq.
39. Xuper Sissokoni ortda qoldirib darvoza tomon intildi, bu erda Minole bekor turgani yo'q. Aynan u to'pga ega chiqdi.
37. Sterlingning noaniq to'p uzatishi oqibatida hujum uzilib qoldi
33. Jerrard burchak to'pidan so'ng to'pni jarima maydoniga oshirdi, Jon Raddi chigalyozdi mashqini amalga oshirdi
32. Endi Minole darvozabon qanday o'ynash kerak bo'lsa shunday o'ynadi. Jarima maydoni tashqarisidan Redmond tomonidan yo'llangan zarbadan so'ng Minole to'pni qaytardi.
31. SHkrtel! Himoyachi qanday o'ynashi kerak bo'lsa xuddi shunday o'ynadi, raqibning yana bir hujumi qaytarildi
29. Ogohlantirish. "Norvich". Snodgrass. Jo Allenning oyog'iga chunonam sakradiki...
28. "Norvich" futbolchilari juda qo'pol o'ynashni boshlab yuborishdi. Bunaqamasda bollar.
25. Jo Allen chamasi 16 metrlardan kuchli zarba berdi, to'p ustun yonidan o'tib ketdi
23. O'yin surati tushdi.
19. Leroy Fer jarima to'pini amalga oshirdi, bo'ydor himoyachilar to'pni qaytarishdi.
17. "Norvich" o'tkazib yuborilgan gollardan so'ng katta kuch bilan oldinga o'tmoqda. Oxirgi 7 daqiqada ustunlik maydon egalarida
15. Burchak to'pidan so'ng SHkrtel boshchiligidagi himoyachilar to'pni uzoooqa tepib yuborishdi.
14. Redmond chap qanotdan oldinga o'tib to'p oshirdi, Glen Jonson to'pni maydon tashqarisiga chiqarib yubordi.
10. Ajoyib hujum, ajoyib gol. Koutino chap qanotdan to'pni oldinga oshirdi, Sterling jarima maydoni yoniga kelib to'pni jarima maydoni markazidagi Suaresga oshirdi. Urugvaylik hujumchi bunday vaziyatlarda adashmaydi - 0:2!



10. GOOOOOOOOOOOOOOOOOOL. SUARES! 0:2!
9. RADDI! "Norvich" posboni jamoasini qutqardi! Allenning zarbasidan so'ng Raddi o'zini ko'rsatdi.
8. Xavfli vaziyat! Mezbonlar qanotlar orqali qanday hujum qila olishlarini namoyish etishdi. Dastlab o'ng, so'ngra chap qanotdan oshirilgan to'pni Gari Xuper boshi bilan darvoza sari yo'lladi, biroz noaniq.
6. Endi Streling raqib jarima maydoni ichida yiqildi va hakamdan penalti so'radi. Hakam bunga rozi bo'lmadi
4. Rahim Sterling! Qanday gol! CHamasi 22 metrlardan yarim himoyachining darvoza tomon yo'llagan kuchli va aniq zarbasi Jon Raddi qo'riqlayotgan darvoza to'ridan o'rin oldi - 0:1.
4. GOOOOOOOOOOOOOOOOOOOL. STERLING - 0:1
3. Ollson raqib bilan to'qnashib ketdi va shifokorlar yordamidan foydalandi
2. "Liverpul" to'pni o'z nazoratida saqlab turib hujumga o'tmoqda.
- O'YIN BOSHLANDI.

- Luis Suaresning o'yindan oldin kayfiyati chog'



- Jamoalar maydonga tushib kelishdi.
- Uchrashuv soat 16:00da boshlanadi.