Andrey SHipilov: "Men qorbobo emasman"

"Birinchi davra yakuniga ham etib keldik. Har bir tur uchrashuvlari qiyin o'tayapti. Men yigitlarga ham aytdim, ochkolarni birinchi davrada boy berib bo'ldik. Endi buyog'iga bo'shashishga haqqimiz yo'q. Xomiylar ko'magi bo'yicha muammo yo'q, ular juda tartibli insonlar. Muammo o'zimizda bo'lyapti, bazida omad etishmayapti, ayrim o'yinlarda esa vaziyatlarni yakunlashda kamchiliklar ko'zga tashlanayapti. Xatolarimiz ko'p, musobaqa jadvalida quyi o'rinda yurganimizning ham sababi shu. Bugungi o'yin ham bizning hozirgi darajamizni ko'rsatib berdi. O'yin futbol o'ynash uchun qulay vaqtda boshlandi. Maydon xolati ham talabga to'laqonli javob beradi. Tashkilotchilarga rahmat. Men shuncha yillik faoliyatim davomida Yaypanga ilk bora keldim. Farg'onadan Bag'dod, Rishton, Marg'ilon va Qo'qonda bo'lganman.

Toshkentda va Bekobodda ishlaganman. Mana kuni kelib Samarqandda ishlayapman. Bu erda juda yaxshi insonlar ish olib boradi. Men klubda sport direktori lavozimida ishlab kelayotgandim. Rahbariyat taklif bilan chiqib bosh murabbiylikni ishonib topshirishdi. Muammolar ko'p. Men qorbobo emasman. Birdaniga natijalarni ijobiy tomonga o'zgartirib qo'ya olmayman. Oldimizda vaqt bor, xato va kamchiliklarni tahlil qilamiz", -deydi Andrey SHipilov.