Andrey Miklyaev: "Paxtakor"ning qarshi hujumlaridan qo'rqqandik"

"Paxtakor"ni qo'lga kiritilgan munosib g'alaba bilan tabriklayman. Bugun o'yinimiz yaxshi chiqmadi Ketma-ket ikkinchi uchrashuvda yigitlar ko'rsatmalarni bajara olishmadi. Birinchi bo'limda mezbonlar juda yaxshi o'ynashdi.

Mezbonlarning qarshi hujumlaridan qo'rqqandik. Masharipov ajoyib o'yin namoyish qildi. Yigitlarda "Paxtakor"dan qo'rqish sindromi bordek. Futbolchilarni tanimadim. Ular birinchi marta maydonga tushgandek harakat qilishdi. Amalda hech narsa ko'rsatishni uddalamadik.

Barcha jihatlarda mag'lubiyatga uchradik. Kurashlar, to'pni egallash, tezlikda yutqazdik. Maydon markazida o'yinni to'liq boy berdik", - deydi Miklyaev.

"Paxtakor" matbuot xizmati