Andrey Miklyaev: "Dastlabki ikki turda maqsad 6 ochko edi, buni uddaladik"

"Andijon" o'z uyida mavsumdagi ilk uchrashuvni o'tkazdi, muxlislar qarshisida o'ynash og'ir bo'lishini bilardik. Ammo biz ustunlik qildik va g'alaba qozondik. Mavsum boshida Namangan va Andijonga safar qildik, maqsadimiz 6 ochko edi. Maqsadimizga erishdik. Endi OCHL o'yini uchun safarga uchib ketamiz. Xalqaro musobaqada ham maqsadimiz jiddiy, guruhdan chiqishga urinamiz. Tarkibdagi barcha futbolchilarga o'yin amaliyotini bermoqchimiz. Bugungi o'yin orqali Erondagi bahsga tayyorgarlik ko'rdik. Negadir hisobda oldinda borib gol o'tkazib yuborayapmiz, shuni to'g'rilashimiz kerak", - deydi Miklyaev.

"Lokomotiv" matbuot xizmati