“Andijon” safiga litvalik futbolchilar qo'shiladi

3-15 yanvar kunlari oralig'ida o'tadigan bu safargi yig'in ham Andijonda olib boriladi. Yanvar oyida andijonliklar safiga legionerlar qo'shilishini xabar qilgandik. Bu legionerlar kimlar ekanligini o'quvchilarimizga aytib o'tmoqchimiz. Ikkala futbolchi ham Litvadan tashrif buyuradi.

Bular - himoyachi Gedminas Paulauskas va hujumchi Neriyus Astrauskas. Ikkala futbolchi ham Litvaning etakchi klublarida to'p surgan. 1980 yilda tug'ilgan Astrauskas Litvadan tashqari Kipr, Greciya va Malta mamlakatlarida ham faoliyat olib borgan. Maltada u “Rabat Ayaks” klubida o'ynagan. 2013 yilgi mavsumni hujumchi Litvada “Kruoya” jamoasida o'tkazgan. Bundan ko'rinib turibdiki, bu hujumchida tajriba yuqori. Lekin Paulauskas va Astrauskas “Andijon” mashg'ulotlarida qatnashib ko'rikdan o'tishadi. Legionerlarning harakatlari murabbiylarga maqul kelsa ular bilan shartnoma imzolanadi.

Legionerlardan tashqari yanvar oyida “Andijon” safiga SHuhrat Mirxoldirshaev ham qo'shiladi. Tajribali hujumchi 2009-2010 yillarda aynan shu jamoada to'p surganini muxlislar yaxshi bilishadi. Bundan tashqari murabbiylar yana bir qator mahoratli o'yinchilar bilan ham muzokaralarni davom ettirishmoqda.