"Andijon" mashg'ulotlarni boshlash arafasida

  CHunki shu kundan jamoamiz yangi mavsumga tayyorgarlikni boshlaydi.
18 dekabr kuni murabbiylar va futbolchilar klub bazasiga to'planib mashg'ulotlarga kirishishadi. Dastlabki yig'inda murabbiylar asosiy etiborni tiklanish mashg'ulotlariga qaratishadi. Mashg'ulotlar ixtisoslashtirilgan futbol maktabi internatining suniy qoplamali maydonida olib boriladi. Qolaversa, shu kundan tarkibdagi o'zgarishlar ham malum bo'ladi. Tarkibni kuchaytirish va barcha chiziqlarda raqobatni oshirish uchun ayni paytda bir qator futbolchilar bilan muzokaralar olib borilmoqda. Bu yil ijaraga olingan o'yinchilar o'z klublari ixtiyoriga qaytishgan. Bosh murabbiy Azamat Abduraimov o'z intervyusida Sergey Smorodin, Sardor Soibov va G'iyos Komilov kabi futbolchilarni jamoada olib qolishni aytib o'tgan. Tarkibga kimlar qo'shilishi va jamoani qaysi futbolchilar tark etishi yig'in boshlanganidan so'ng malum bo'ladi.
“Andijon”ning dastlabki yig'ini 30 dekabrga qadar davom etadi. Ushbu yig'in chog'ida nazorat o'yini o'tkazish ham rejalashtirilgan.