"Andijon" mashg'ulotini kuzatib

"Burgutlar"ning SHo'rbuloq dahasida joylashgan "Ixtisoslashtirilgan futbol maktab internati"ning suniy qoplamali maydonida o'tgan bugungi mashg'uloti qariyb ikki soatga yaqin vaqt davomida o'tdi.

Mashg'ulotni Azamat Abduraimov bilan yordamchi murabbiy Orif Mamatkazin olib bordi.

Darvozabonlarni esa mahalliy murabbiy Abdurashid Ismoilov shug'ullantirdi.
Mashg'ulotning dastlabki qismi engil yugurish bilan bishlandi. Undan so'ng "kvadrat" tashkil etildi.

Mashg'ulot tugashiga chamasi 30-40 daqiqa qolganida esa futbolchilarni ikki tarkibga ajratgan xolda o'yin tashkil etildi.

Tarkibdagi o'zgarishlarga to'xtaladigan bo'lsak, bu yil jamoa sharafini himoya qilgan Akmal Tursunboev, Afzal Azizov, Sergey Smorodin, Yuriy Coy, Ikrom Ibragimov, Davron Tursunov, Bahrom Abdurahimov, Andrey Sidorov, Asqar Jadigerov kabi o'yinchilar malum sabablarga ko'ra bugungi o'tkazilgan mashg'ulotda ishtirok etmadi.

Tarkibga yangi kelib qo'shilganlar ham bir talay. "SHo'rtan azosi Ibrohim Otaxonov yana "Andijon"ga qaytgan. "Xotira-79" darvozaboni Akmal Ortiqov, "CHust-Paxtakor"dan Suhrob No'monov, "Neftchi"dan Izzat G'aniev hamda boshqa yana bir qator vodiylik yoshlar jamoa ko'rigidan o'tish uchun Andijonga kelgan.

Jamoaning dastlabki yig'ini 29 dekabrga qadar Andijonda o'tadi.

Aytishlaricha ushbu yig'in davomida ikkita sinov-nazorat uchrashuvi ham tashkil etiladi. "Navbahor" bilan "O'zDongJu" bu borada raqib sifatida tilga olinmoqda.