"Andijon" murabbiyi Artyom Petrosyan: "Futbolchilarning o'rniga o'zingizni qo'yib ko'ring"

O'yin haqida

- O'yin haqida nimani aytish mumkin? Ko'rdingiz, chetlatish va darvozamiz tomon belgilangan penaltilarga duch keldik. SHunga qaramay yigitlar xarakter ko'rsatishdi, albatta rahmat aytaman. Juda emocional uchrashuvga guvoh bo'ldik.

- Jamoa so'nggi turlarda ko'ngildagidek natija qayd eta olmayapti? Bunga sabab nimada deb o'ylaysiz?

- Vaziyatlardan foydalana olmaslik muammolariga duch kelayapmiz. O'sha "Paxtakor" bilan o'yinda ham o'z vaziyatlarimizdan unumli foydalanmaganimizda hisob bunday ko'rinishda bo'lmasdi. Mashg'ulotlarda bu borada ishlayapmiz.

- Jamoa bosh murabbiyi chetlatilgan vaziyatga qanday izoh berasiz?

- Bunga darvozamiz tomon penalti belgilangan vaziyat sabab bo'ldi. O'yin haroratida kishi emociyada bo'ladi. Ertangi bayram kayfiyatini mag'lubiyat bilan buzib qo'yish hech kimga yoqmaydi.

- Futbolchilar o'yin vaqtida maydonni tashlab chiqib ketmoqchi bo'lishdi. Ularni uchrashuvga qaytarish anchayin vaqtni oldi. SHu vaziyatni tushuntirib bersangiz?

- Endi siz ularning o'rniga o'zingizni qo'yib ko'ring. So'nggi daqiqada darvozangiz tomon penalti belgilanayapti, yutqazsangiz shuncha mehnatingiz yo'qqa chiqadi. Yigitlar emociyada shunday qilishdi, biroq biz ularga tushuntirdik va barchasi joyiga tushdi.