Anderson "Yunayted"ni tark etdi

2007 yilda "qizil iblislar" Andersonni "Portu"dan 26 million funt evaziga sotib olishgandi. Jarohatlar, jismoniy holatlar va erinchoqlik uning "Yunayted"da o'zini ko'rsatishga imkon bermadi.

26 yoshli yarim himoyachining shartnomasi yozda tugashi kerak edi. Biroq "Yunayted" Andersonni "Internasonal"ga bepulga o'tib ketishiga qarshi bo'lgani yo'q. SHunday qilib, Portu-Alegri klubi futbolchi bilan 4 yillik shartnoma tuzdi.

Bu mavsumda Anderson Premer-Ligada atiga bir marta maydonga tushdi. 30 avgustda "Bernli"ga qarshi uchrashuvning so'nggi 20 daqiqasini maydonda o'tkazgan braziliyalik Angliya kubogi doirasidagi "MK Dons"dan uchralgan mag'lubiyatdan so'ng (0:4) Lui Van Galning "qora ro'yxati"ga tushib qolgandi.