Anchelotti Varanning qaytishiga rozi bo'ldi

Eder Militao va David Alabaning jarohati sababli "Real" ayni damda markaziy himoyachi izlamoqda. Qishki transferlar oynasiga hali biroz vaqt bo'lgani uchun klub shoshilmayapti va barcha variantlarni sinchkovlik bilan o'rganmoqda.

Ayni damda "Real"ga o'tishi mumkin bo'lgan himoyachilar qatorida Rafael Varan ham bor.

As malumotiga ko'ra, Karlo Anchelotti franciyalikning jamoaga qaytishidan xursand bo'ladi. Uning qo'l ostida Varan 69 uchrashuvda "Real" sharafini himoya qilgan.

Varanning "Real"ga qaytishidagi asosiy muammo maosh bo'lishi mumkin. Ayni damda Rafael MYUda yiliga 15 mln evro maosh olmoqda. "Real"da esa bu summa 8 mln evroga teng bo'lgan.