Ana xolos. Hindistonga yutqazib qo'ygani uchun Tailand bosh murabbiyi ishdan bo'shatildi

Jamoa o'zidan birmuncha kuchsiz sanalgan Hindiston termasi bilan kechgan bahsda 1:4 hisobida yutqazib qo'ydi. O'yindan keyin oradan ko'p o'tmay Tailand futbol federaciyasi terma jamoa ustozi Milovan Rayevacni istefoga chiqardi. SHunday qilib navbatdagi Osiyo Kubogining dastlabki turidayoq istefo ro'y berdi.

Aftidan Tailand futbol federaciyasi rahbariyati hindlardan qabul qilib olingan mag'lubiyatni hazm qila olmagan ko'rinadi. Malumot uchun, serbiyalik mutaxassis yaqinda terma jamoada ish boshlagandi. Aslida-ku o'tgan oy jamoa AFF Kubogi yarim finalida Malayziyaga yutqazib qo'yganidan so'ng rahbariyat bu murabbiy ishidan tashvishga tushgandi. Hindistonga boy berilgan o'yin esa hammasidan oshib tushdi. Natijada rahbariyat shu zahoti Rayevacga chiqish eshiklarini ko'rsatdi. Endi jamoani vaqtincha mahalliy murabbiy Sirisak Yodyardtxai boshqarib turadi.