Amirbek Saidov: "Osiyo chempionatida yuqori maqsadni ko'zlaganmiz"

Yoshlarimiz ertaga iroqlik tengqurlari bilan kuch sinashadi. Mazkur o'yin oldidan terma jamoa hujumchisi Amirbek Saidov fikrlarini bildirdi. 

"Osiyo chempionatiga tayyorgarlik yaxshi o'tmoqda. Ertangi o'yinga ham tayyormiz deya olaman. O'zimizning maksimal o'yinimizni ko'rsatishga harakat qilamiz. 

Iroq haqida nazariy mashg'ulotlarda o'rgandik. Etarlicha malumotga egamiz. Birinchi maqsadimiz guruhdan chiqish va mundialga yo'llanma olgan holda chempionlikni qo'lga kiritish. Ichki muhit alo darajada. Ahil jamoa yig'ilgan. 

Klubimda o'z imkoniyatimni kutmoqdaman. Ishonch bildirishmoqda. O'z ustimda ishlab bundan ham yaxshi bo'lishga harakat qilaman",- deydi Amirbek Saidov.