Amin al-Sunayni: "O'zbekiston so'nggi vaqtlarda juda yaxshi natijalar qayd etib kelayotgan kuchli jamoa"
16 noy 2015 16:57
Yangiliklar
![](https://championat.asia/upload/storage/188769_original.jpg)
![](/upload/storage/188769_220.jpg)
Amin al-Sunayni: "O'zbekiston so'nggi vaqtlarda juda yaxshi natijalar qayd etib kelayotgan kuchli jamoa"
Bo'lajak o'yin haqida o'z fikrlarini bildirar ekan Yaman bosh murabbiyi quyidagilarni takidladi:
“O'yin og'ir kechadi. O'zbekiston so'nggi vaqtlarda juda yaxshi natijalar qayd etib kelayotgan kuchli jamoa. Ammo, biz ham o'z navbatida o'yinimizni yaxshilab boryapmiz. So'nggi turdagi Filippin ustidan qozonilgan g'alaba ham bu gaplarning isboti. Biz mana shu ko'tarinki holatimizdan erataga ham to'g'ri foydalanishga harakat qilamiz. Biroq, tushunib turibmizki ertaga bizga qiyin bo'ladi”.
“Barchangiz Yamandagi vaziyatni yaxshi bilasiz. Mamlakat og'ir kunlarni boshdan kechirayotganiga qaramay, biz imkon qadar etiborimizni o'yinga qaratishga urinyapmiz. Kechroq bo'lsa-da ilk g'alabaga erishdik. Oldimizda hozir O'zbekiston hamda Baxraynga qarshi muhim o'yinlar kutib turibdi. Nima bo'lganda ham qolgan uchrashuvlarda ham yaxshi o'yin namoyish qilishga va imkon qadar yaxshiroq natija qayd etishga intilamiz”.
“O'zbekiston terma jamoasida qaysidir futbolchini alohida ko'rsatmagan bo'lardim. CHunki O'zbekiston birinchi navbatda tartibli jamoaviy o'yinga ega bo'lgan terma jamoadir. Biz ertangi o'yinda qaysidir futbolchiga ko'proq etibor qaratmaymiz”.
“Bizning guruh ushbu saralash bosqichidagi guruhlar ichida eng qiyinidir. Ammo bu qura natijasi. Bundan noliy olmaymiz. Futbol shunaqa”.
O’xshash yangiliklar
![AMP Logo](https://championat.asia/image/logo-amp.png)
Fikrlar