Aleksandr Xomyakov: "Bugun jangvor durang bo'ldi deb hisoblayman"

O'yin haqida

- Andijondagi mavsumning ilk o'yini va katta futbol chempionatining ochilishi bilan barchani tabriklayman. G'alaba qozonishni hohladik. Yomon o'yin bo'lmadi, muxlislar juda yorqin atmosfera tashkil qilib berishdi. Raqib juda kuchli va qiziqarli jamoa edi. Xavfli hujumlari bor. Bugun jangovor durang bo'ldi deb hisoblayman.

- Birinchi turda ham jamoa ikkinchi bo'limda sustkashlikka yo'l qo'ygandi. Bunga munosabatingiz qanday?

- Ehtimol shunday bo'layotgandir. Bizda rejalar bunday emas. Gol urib olganimizdan so'ng bir oz xotirjamlikka berildik. Raqib kuchli edi, shundan kelib chiqib, himoyada tartibli o'ynashga harakat qildik. Kurashlarga boy o'yin bo'ldi. Ikkinchi bo'limlarimizda ruhiyat bilan bog'liq muammolar bo'lishi mumkin.

- Jamoa tarkibiga yangi qo'shilgan futbolchilardan ko'nglingiz to'layapti?

- Qoniqayapmanmi, yoki yo'q, buni o'yinlar davomida ko'ramiz. Tarkibga loyiq deb hisoblangan futbolchilar olib kelingan. Yangi futbolchilarimiz bor, vaqt kerak. Darajalari yomon emas.

- Zaxiradan qo'shilganlar o'yinni qanchalik kuchaytira oldi?

- O'yin amaliyoti barchaga kerak. Mavsum endigina boshlandi, darhol xulosa chiqarish to'g'ri emas. Futbolchilariimizga ishonaman, etirozlarim yo'q.