Aleksandr Xomyakov: "Bitta xato mag'lubiyatga olib keldi"

"Metallurg" jamoasini g'alaba bilan tabriklayman. O'yin oldindan taxmin qilganimizdek kurashlarga boy bo'ldi. Bugun chiroyli o'yin kerak emasligi asosiy etibor natijaga qaratilishi kerakligini aytgandim. Standart vaqtidagi bitta xato tufayli gol o'tkazib yubordik va mag'lub bo'ldik. SHundan keyin ko'p hujum qildik, darvoza ustunini nishonga oldik, ammo baribir yutqazdik. Raqibni tabriklayman", - deb gap boshladi Xomyakov.

"Hujumda bizga keskinlik etishmadi. Qandaydir yopiq o'ynadik. Bundan tashqari himoyada xatoga yo'l qo'ydik, alamli mag'lubiyat. Futbolda ko'pincha qaysidir jamoa mag'lub bo'ladi, bugun biz yutqazdik. O'yin bitta golgacha bo'lishini taxmin qilgandim. Bugun omad raqib tomonida edi".

"Dostonovni almashtirishimga kelsak u sariq kartochka olgandi. Bundan tashqari hali endi oliy liga havosini tatib ko'rmoqda. SHohruhdan yaxshiroq o'yin kutgandim. Hikmat Hoshimovga ko'proq tashvish tug'diradi deb o'ylagandim. Hakamlarni muhokama qilmoqchi emasman. Bu borada alohida tashkilot bor", - deydi Aleksandr Xomyakov.


"Mashal" matbuot xizmati