Aleksandr Xomyakov: "Bahorda kombinacion o'yin kutmang"

"Albatta mavsumni safardagi g'alaba bilan boshlash yoqimli. Bugun ochilish o'yini bo'lgani uchun stadionga ko'plab muxlislar kelishini bilardik. SHunday og'ir o'yini bo'lishini kutgandik. Qarshi hujumga asoslangan taktikada o'ynadik. SHogirdlarimga rahmat aytaman. Bahorgi futbol shunday, kombinacion o'yin kutish qiyin. Uzun paslar orqali faqat bo'sh zonalardan unumli foydalandik", - deydi Xomyakov.

- Himoyachining xatosi haqida nima deysiz?
- Hujumchilarimizning bosimi natijasida raqib himoyachilari xato qilishdi.

- Buning nimaning evaziga g'olib bo'ldingiz?
- Aytib o'tdimku, kombinacion o'yin bo'lmadi. Faqat kurashlarga asoslangan o'yin bo'ldi. SHu ham katta yordam berdi.

- Raqibni o'rgandingizmi?
- Albatta, buni yashirmayman. Jamoa taxminan qanday o'ynashini bilardik.

- Jamoa bu yil qaysi o'rinlar uchun kurashadi?
- Keling yana bir necha tur o'tsin, rahbariyat oldimizga o'tgan yildagidan ko'ra yaxshiroq natijani vazifa qilib qo'ydi. Bunga harakat qilamiz.

- Yangi futbolchilar haqida nima deya olasiz?
- Tarkibda bir qator legionerlar o'ynashdi. Bukatkin, Ivanov... Vladislav gol urdi, uning debyuti omadli chiqdi. Ammo hozircha biz 70 foizga tayyormiz.

- "Navbahor" haqida nima deya olasiz?
- Jamoa o'z uyida o'ynadi, muxlislarning bosimi ham sezildi. Ikkinchi bo'limda ular ham uzun paslar bilan o'ynashga o'tishdi. Bunda o'yinlarda omad ham katta rol o'ynaydi.


SHerzod Hamdamov yozib oldi