Aleksandr Xomyakov: "Andijon"ga oltita gol uramiz deb o'ylamagandik"

"Bugun oltita gol uramiz deb o'ylamagandim. Ammo g'alabaga ishongandik. Yigitlarning professionalligi va xarakteriga rahmat. O'tgan turdagi yirik mag'lubiyatdan so'ng darhol o'zlariga kelib olishdi. Raqibni yaxshi o'rganib chiqqandik. Qarshi hujumlarga tayyor edik. Futbolchilarim dastlab gol o'tkazib yuborgan bo'lsak ham chiroyli va hujumkor o'yin namoyish etib Muborak xalqiga yirik g'alabani keltirdi", - deydi Xomyakov.

"O'tgan turdagi mag'lubiyatdan so'ng bizda ortga yo'l yo'q edi. SHu bois yigitlarim bor kuchilari bilan o'ynashdi. Abdumo'minovni oldinda turgan qiyin o'yinlarga asrashga qaror qildim. Zafar To'raev ikki o'yinda tushmagandi. Unga imkon berdim, u kutilgan o'yinni ko'rsatdi. Zohir Qo'ziboevni hisob yirik bo'lganidan so'ng almashtirdim. Bugungi g'alabadan havolanib ketmaymiz va "Paxtakor"ga qarshi tayyorgarlik ko'ramiz. Biroq zaxira o'rindig'imiz uzun emas".

"Kachur bizda yig'inda bo'lib "Navbahor"ga o'tib ketdi. O'tgan turda to'rtta gol urdi, bundan xursandman. Biroq har bir futbolchining o'z jamoasi bo'ladi. Biz yozda kamerunlik futbolchini olib qolishni ko'zlab Kachurga ruxsat bergandik", - deydi Aleksandr Xomyakov.