Aleksandr Mochinov: "Xatolarimiz evaziga yutqazdik"

"Avvalo "Paxtakor"ni g'alaba bilan tabriklayman. O'ylashimcha, ularga biz bilan bo'lgan o'yin ancha qiyin bo'ldi. Bugungi uchrashuv qiziqarli va muxlislar uchun tomoshabop kechdi. Yo'l qo'ygan xatolarimiz uchun bugun mag'lubiyat uchradik deb o'ylayman", - deya gap boshladi Aleksandr Mochinov.

- Alibobo Rahmatullaev bugun nega qaydnomaga kiritilmadi?
- CHunki bu borada "Paxtakor" bilan o'zaro kelishuvimiz bor edi.

- Alibobo Rahmatullaevni ijara asosida olganmisizlar?
- Yo'q. Bu shunchaki og'zaki erkakcha kelishuvimiz bo'lgan. Rasmiy shartnomada bu ko'rsatilmagan. Bu shunchaki norasmiy kelishuv bo'lgan.

- Kochnevning o'yini sizni qoniqtirmoqdami?
- Hech qachon murabbiy futbolchilaridan to'liq qoniqmasa kerak. U juda ham tirishqoq va intiluvchan futbolchi. Evgeniy Kochnev yaxshi o'ynashga harakat qilmoqda va mashg'ulotlarda ancha ter to'kmoqda. O'ylaymanki, yaqin orada yanada kuchliroq o'ynaydi.