Aleksandr Grigoryan: "Men "Paxtakor"ga maslahatchi murabbiy bo'lib keldim"

"Men "Paxtakor"ga maslahatchi murabbiy bo'lib keldim. Hozirda jamoada No'mon Hasanov bosh murabbiy vazifasini bajaruvchi sifatida ishlab turibdi. Biz "Paxtakor" bilan olti kundan buyon tayyorgarlik jarayonlarini o'tkazmoqdamiz. Toshkentda havo issiqligiga qaramay mashg'ulotlarimiz juda yaxshi o'tmoqda. Bugungi o'yinda havo issiqligi uchun jamoa biroz toliqib qoldi. Bu narsa o'z so'zini aytdi", - deya gap boshladi Aleksandr Grigoryan.


- Siz ayollar futbolida ishlagansiz...
- Men bu kabi savollarga javob qaytarmayman. Meni hozirgi kunda ayollar futboli umuman qiziqtirmaydi. Ayni vaqtda "Paxtakor" murabbiyiman va shu klub haqidagi savollarga javob qaytarishga tayyorman.

- Sizni jamoaga kim taklif etdi?
- Bu savolga ham javob berishni istamayman. Muhimi, men yoshligimdan o'zim uchun befarq bo'lmagan "Paxtakor" klubida ish boshladim. Bu jamoaning muxlisi hisoblanaman. Yoshligimdan o'sha mashhur "Paxtakor" ishqibozi bo'lganman.

- "Paxtakor" muxlisi bo'lganman dedingiz. Sizni ushbu jamoada o'z suyukli futbolchingiz bo'lganmi?
- Albatta bo'lgan. Bu shubhasiz Mixail An.

- "Paxtakor" bilan qancha muddatga shartnoma imzoladingiz?
- Biz klub bilan mavsum so'nggiga qadar shartnoma imzoladik.


SHahboz Beg'amov suhbatlashdi.