“Al Sadd” Xaviga yangi shartnoma taklif qildi. Bitimda “Barselona” bilan bog'liq band bor

Manbaga ko'ra, “Al Sadd” rahbarlari jamoa muddatidan oldin Qatar chempionligini qo'lga kiritganidan keyin Xavi bilan uchrashuv o'tkazdi.

Qatarliklar Xaviga 2023 yil iyuniga qadar mo'ljallangan shartnoma taklif qildi. SHuningdek, yangi bitimga ko'ra ispaniyalik mutaxassis va uning murabbiylar shtabi azolarining ish haqi ham oshiriladi. Kelishuvda mutaxassis “Barselona”ga o'tgan taqdirda “Al Sadd”ni tovon pulisiz tark etishi haqidagi band ham bor.

Xavi aniq bir qarorga kelmagan. Qayd etilishicha, 41 yoshli mutaxassis jamoa bilan shartnomani 2 yilga emas, bir yilga uzaytirishni rejalashtirgan. U bilan amaldagi kelishuv esa joriy mavsum oxirida yakunlanadi.