"Al Ittihod" atigi ikkita o'yindan so'ng murabbiyni bo'shatdi

Gap Jidda shahrining "Al Ittihod" klubi haqida bormoqda. May oyida bu jamoaga yangi bosh murabbiy etib Ramon Dias tayinlangandi. Ammo Saudiya chempionatining dastlabki ikki turidan so'ng argentinalik mutaxassisga chiqish eshiklari ko'rsatildi. Bunga sabab "Al Ittihod" har ikkala bellashuvda mag'lubiyatga uchradi.

"Yo'lbarslar" dastlab safarda "Al SHabab"ga 0:1, keyin esa o'z uylarida "Al Qodisiya"ga 0:3 hisobida imkoniyatni boy berishdi. Ayniqsa uydagi yirik mag'lubiyat klub rahbarining jahlini chiqarib yubordi va o'yin tugagach murabbiyni ishdan oldi. Klub prezidenti Navaf Al Muqayrin bu borada shunday dedi: "Ketma-ket ikkita mag'lubiyat uchun muxlislarimizdan uzr so'rayman. Bosh murabbiy haqida yakuniy to'xtamga kelish oson bo'lmadi. CHunki murabbiy bilan bilan gaplashganimizda hammasi yaxshi bo'lishini aytgandi".

Malumot uchun, "Al Ittihod" Saudiya Arabistonining 8 karra chempioni hisoblanadi. Qizig'i shundaki, Ramon Dias shu yilning fevral oyida "Al Hilol" klubi bosh murabbiyligidan ketgandi, endi bo'lsa "Al Ittihod"dan ham haydaldi. Ayni paytda "Al Ittihod" turnir jadvalida eng oxirgi o'rinda bormoqda.