"Al Hilol" Neymardan qutulish haqida o'ylamoqda

Saudiya Arabistonining "Al Hilol" klubi Neymar bilan shartnomani bekor qilish haqida bosh qotirmoqda. Futbolchi uzoq muddatli jarohatdan qaytib, "Istiqlol"ga qarshi o'yinda yana jarohat olib, uch haftaga safdan chiqqandi. 

Klubdagilar futbolchi mavsumning qolgan qismida jamoaga yordam berishiga ko'zlari etmayapti. "Al Hilol" yanvar oyida futbolchi bilan shartnomani bekor qilish bo'yicha muzokaralar o'tkazishni reja qilmoqda. Futbolchi bilan shartnoma bekor qilinsa, "Al Hilol" yana bir legionerni ro'yxatdan o'tkazishi mumkin bo'ladi.

Neymarning maoshi ham bu masalada katta rol o'ynamoqda. Klub futbolchi uchun o'tgan yilning avgust oyida 90 mln evro to'lagandi. Neymarning yillik maoshi esa 160 mln evroni tashkil qiladi.

Tomonlar o'zaro kelishgan holda shartnomani bekor qilishlari hozirgi holatda haqiqatga eng yaqin variant hisoblanadi.