OCHLda "Al Hilol" va "Al Nassr"ga 3 tadan gol urgan futbolchi jamoasi bilan yangi shartnoma imzoladi

Birlashgan Arab Amirliklarining "Al Ayn" klubi o'zining X platformasi ("Tvitter")dagi sahifasida etakchisi Sofian Rahimi bilan shartnomani yana uch yilga uzaytirganini elon qildi.

Qayd etib o'tish lozim, OCHLning ortda qolgan mavsumida chorak finalda "Al Nassr", yarim final "Al Hilol" darvozasiga 3 tadan gol urgan Rahimi umumiy hisobda 13 ta gol bilan musobaqa to'purariga aylangan. Qiziq tomoni, Parijda o'tgan Olimpiadada ham Marokash sharafini himoya qilgan Sofian ushbu musobaqada ham eng yaxshi to'purar nomini qo'lga kiritgandi. 8 ta gol urgan "Al Ayn" futbolchisi eng yaqin taqibchisi Fermin Lopesni 2 ta golga ortda qoldirishni uddaladi.

Eslatib o'tamiz, joriy mavsum "Al Ayn" Elit Osiyo CHempionlar Ligasi doirasida Toshkentning "Paxtakor" klubiga qarshi maydonga tushadi.