AGMKning OCHLdagi raqibi g'alabani tantana qildi
01 fev 2019 15:26
Yangiliklar
![](https://championat.asia/upload/storage/475049_original.jpg)
![](/upload/storage/475049_220.jpg)
AGMKning OCHLdagi raqibi g'alabani tantana qildi
OCHL guruh bosqichiga chiqish yo'lida AGMKga raqiblik qiladigan Dushanbening "Istiqlol" jamoasi Bosniya va Gercegovina klubini mag'lubiyatga uchratdi.
Yomg'ir ostida o'tgan bahsda Hakim Fuzaylov jamoasi birinchi bo'limda raqibni qarshi hujumda gol bilan jazolashga muvaffaq bo'ldi. SHeriddin Boboev "Istiqlol"ni hisobda oldinga olib chiquvchi golga mualliflik qildi. Ikkinchi taym esa hujumlarga boy tarzda kechdi. Qayd etish kerakki, tanaffusdan keyin har ikkala jamoaga qator vaziyatlar yuzaga keldi. Biroq gol urish yana "Istiqlol" jamoasiga nasib etdi. Nozim Bobojonov uchrashuv yakuniga yaqin o'yindagi yakuniy hisobni o'rnatgan golni urdi - 2:0.
SHu tariqa "Istiqlol" jamoasi Antaliyadagi yig'in doirasidagi ikkinchi nazorat bellashuvida g'alabani tantana qildi. Bunga qadar Hakim Fuzaylov shogirdlari Qozog'iston chempionatining bronza medallari sohibi "Tobol" jamoasiga (1:2) imkoniyatni boy berishgandi.
Malumot o'rnida: "Istiqlol" jamoasi safida o'zbekistonlik futbolchi Jalil Kimsanov faoliyat ko'rsatmoqda. "Qo'qon-1912" jamoasining sobiq futbolchisi mazkur bahsda zaxiradan maydonga tushdi.
AGMKning OCHL pley-off bosqichidagi raqibi Tojikistonning "Istiqlol" jamoasining navbatdagi raqibi Daniyaning birinchi divizion vakili "Kyoge" bo'ladi. Mazkur nazorat o'yini 3 fevral kuni o'tkaziladi.
Nazorat o'yini.
"Istiqlol" - "CHelik" 2:0
Hakam: Bora Abaoglu (Turkiya)
Gollar: SHeriddin Boboev (28), Nozim Bobojonov (88)
"Istiqlol": Rustam yatimov, Iskandar Jalilov (Firuz Karaev, 80), Aleksey Larin, Baxtiyor Qalandarov (Jalil Kimsanov, 55), Axtam Nazarov, Alisher Jalilov (Nozim Bobojonov, 65), Amirbek Jo'raboev (Ehsoni Panchshanbe, 55), Muhammadjon Raximov (Komron Tursunov), Fatxullo Fatxulloev (SHahrom Sulaymonov, 75), Suleyman Muxadov (SHahrom Samiev, 77), SHeriddin Boboev (Viulen Ayvazyan, 60).
Eslatib o'tamiz, OCHL pley-off doirasidagi AGMK (O'zbekiston) - "Istiqlol" (Tojikiston) uchrashuvi 12 fevral kuni Olmaliq shahridagi AGMK o'yingohida bo'lib o'tadi.
O’xshash yangiliklar
![AMP Logo](https://championat.asia/image/logo-amp.png)
Fikrlar