AGMK legionerni ko'zdan kechirmoqda

Davralar oralig'ida yuzaga kelgan tatildan qaytgan futbolchilar chempionatning ikkinchi qismiga tayyorgarlik bosqichini Qibraydagi stadionda ko'tarinki ruhda davom ettirmoqda.

Bu haqda AGMK futbol klubi matbuot xizmati klubning telegramdagi rasmiy kanali orqali xabar bermoqda.

Kuniga ikki mahaldan olib borilayotgan mashg'ulotlarda murabbiylar shtabi ko'proq futbolchilarning jismoniy holatini kerakli darajaga olib chiqishga etibor qaratishmoqda. SHuningdek, kunning ikkinchi yarmidagi mashg'ulotlarda jamoa taktik jihatlar ustida ishlamoqda.

AGMK jamoasi tarkibidagi yangilarlarga to'xtaladigan bo'lsak, mavsum avvalida kelgan bolqonlik yarim himoyachi Mirolyub Kostich va Marko Zochevich bilan klubimiz do'stona xayrlashdi. SHu o'rinda ularning kelgusi faoliyatida omad tilab qolamiz.

Ayni paytda esa AGMK mashg'ulotlarida Superliganing birinchi davrasini "Qizilqum"da o'tkazgan tayanch yarim himoyachisi Erkin Baydullaev hamda gruziyalik qanot vingeri Elguja Grigalashvili va o'tgan ikki mavsum davomida klubimiz sharafini himoya qilgan va ortga qaytarilgan Vladislav Kasminin ishtirok etishmoqda. Tez orada klubimiz mazkur futbolchilar bilan rasman shartnoma imzolaydi.

SHuningdek, yig'inda chernogoriyalik himoyachi Igor Zonich ko'rikdan o'tmoqda. Agarda ushbu futbolchining harakatlari murabbiylar shtabiga maqul kelsa, unda Zonichga shartnoma taklif etiladi.

Qayd etish kerakki, kuni kecha jamoamiz futbolchilari O'FA Texnik rivojlantirish boshqarmasi ilmiy-metodik bo'limi tomonidan o'tkazilgan 30 metrga yugurish, uzunlikga sakrash, 7x50 metrga yugurish singari normativ testlarni  topshirdi.

Superliganing ikkinchi davrasiga tayyorgarlik doirasida jamoamiz 18 iyul kuni Toshkentdagi "Jar" o'yingohida "Buxoro" bilan nazorat uchrashuvini o'tkazadi. Mazkur bahs soat 20:00da start oladi", - deyiladi AGMK matbuot xizmati bergan xabarda.

AGMK yig'inida ko'rikdan o'tayotgan chernogoriyalik himoyachi Ivan Zonich