“A” seriya, 14-tur: “Napoli” va “Milan” qaytish qiladimi?

Lekin 13-turda etakchilardan faqat “Yuventus” g'alaba qozongani Italiyada markaziy uchrashuvlar bo'lmagan paytda ham ochko yo'qotishlar kafolatlanmaganini ko'rsatdi. Endi esa 14-tur prevyusi bilan tanishing.

30 noyabr, shanba
22:00. Parma – Bolonya
Taxminimiz – 2:1
O'tgan turda “Napoli”ni ham o'yin, ham hisob taraflama dog'da qoldirgan “Parma”ni bu safar yana bir sinov kutmoqda. CHunki Emiliya derbisi mamlakatda eng keskin o'tadigan bahslardan biri sifatida etirof etiladi. Jamoalarning turnir jadvalida egallab turgan o'rinlari bu uchrashuvda ahamiyatli emas. Parolo, Kassano va Biabiani singari etakchilarga ega “Parma” Diamantidek yaratuvchi futbolchisi bor “Bolonya”ga qarshi o'ynaydi. Agar mezbonlar g'alaba qozonishsa, jadvalda yanada yuqorilab olish imkoniyatini qo'lga kiritishadi. Biroq bunday derbilarda oldindan taxmin qilish o'zini oqlamasligi ham mumkin. Birgina vaziyat o'yin taqdirini o'zgartirib yuboradi. Mazkur bahsni kuzatishni tavsiya qilamiz.

00:45. Jenoa – Torino
Taxminimiz – 2:1
Joriy mavsumda o'zlarini yaxshi tarafdan ko'rsatayotgan jamoalar o'rtasidagi to'qnashuv. Ikkala jamoa safida Jilardino va CHerchidek to'purar futbolchilar bor. Oxirgi 4 bellashuvda 10 ochko to'plagan genuyaliklar oldingi turda darvozabon Mattia Perinning mahorati tufayli “Milan” maydonidan ochko bilan qaytishgandi. Turinliklarga esa barqaror futbol ko'rsatishga ijrochilar etishmayapti. Lekin Ventura shogirdlari hech bir raqibga osonlikcha taslim bo'lishmayapti. “Torino” ishtirokidagi bellashuvlar ko'proq qiziqishga sabab bo'lmoqda.

1 dekabr, yakshanba
16:30. Kataniya – Milan
Taxminimiz – 1:2
Har ikki jamoa uchun juda muhim bo'lgan uchrashuv. “Kataniya” oxirgi o'ringa tushib qolgan, “Milan” ECHLda g'alaba qozongani bilan “A” seriyada 13-pog'onadan o'rin olib turibdi. Peshqadamdan 20, sovrinli o'rinlardan 14 ochko ortda qolyapti. Endi jamoaning ochko yo'qotishga haqqi yo'q. Istefo Allegriga xavf solmoqda, Galliani esa ECHLda “Ayaks” bilan bahsdan so'ng istefo berishini malum qildi. Uning o'rniga klub boshqaruviga Paolo Maldini kelishi aytildi. Bu jiddiy o'zgarish bo'lishi mumkin. Tarkib borasida Allegri oldida muammolar bor. Abate va Robino ham jarohat olgan futbolchilar safiga qo'shilishdi. Mezbonlar Plashil, Bergissio va Lopes singari o'yinchilar yordamida ijobiy natijani qo'lga kiritishga urinib ko'rishadi. Bizni o'ta keskin uchrashuv kutib turganiga shubha yo'q.

19:00. Atalanta – Roma
Taxminimiz – 1:1
Oxirgi 3 uchrashuvda faqat durang o'ynagan “Roma” shulardan ikkitasida o'z maydonida raqiblarga ochko tuhfa qildi. SHuningdek, so'nggi 5 bahsda rimliklar bittadan ortiq gol urishmadi. Bu esa hujumda muammolar yuzaga kelganini ko'rsatadi. Mavsum boshida ishtiyoq evaziga yorqin o'yin namoyish qilgan Rudi Garsiya shogirdlari endi o'zlariga qarshi shunday ishtiyoq bilan harakat qilayotgan jamoalar bilan bellashuvda qiyinchilikka duch kelishyapti. Yepes, CHigarini, Morales, Denis va Livaya singari yaxshi ijrochilarga ega bo'lgan Stefano Kolantuono jamoasi asosiy ochkolarni o'z maydonida to'playapti. Hozircha jamoaning o'yinlari yomon taassurot qoldirmayapti. “Roma” esa hozircha o'rtamiyona raqiblarni o'rtacha o'yin bilan yuta olmayapti. Navbatdagi ochko yo'qotishi jamoaning ahvolini murakkablashtiradi. CHunki davra oxirigacha rimliklar “Fiorentina”, “Milan”, “Kataniya”, “Yuventus” hamda “Jenoa” bilan to'qnash keladi. Oldinda “Roma”ni juda qiyin kechadigan uchrashuvlar kutyapti. “Atalanta” esa uyida shunchaki taslim bo'lmaydi. Rimliklar safida Totti, Balcaretti va Torosidis maydonga tushmaydi.

19:00. Inter – Sampdoriya
Taxminimiz – 3:2
Turdagi etiborga molik yana bir bellashuv. “Sampdoriya” boshqaruviga Sinisha Mixaylovich kelgach, genuyaliklar alohida qiziqish uyg'otishadi. “Inter” hozircha Valter Maccari qo'l ostida yaxshi o'yin namoyish qilmoqda, biroq natijalar maqtashga arziydigan darajada emas. O'rtamiyona klublar bilan bahslarda milanliklar ochkolarni boy berib qo'yishyapti. Hujumkorlik borasida jamoaning natijalari juda yaxshi. Eng muhimi, “Inter”ni Erik Tohir sotib olgach, ertangi kunga ishonch paydo bo'ldi. Darvoqe, indoneziyalik biznesmen mazkur o'yinni bevosita “Juzeppe Meacca”da tomosha qiladi. Bu mezbonlarga qo'shimcha kuch bag'ishlashi tabiiy. O'z navbatida “Sampdoriya” Gabbiyadini va Ederning faolligi evaziga qarshilik ko'rishga urinib ko'radi.

19:00. Kalyari – Sassuolo
Taxminimiz – 1:1
Haqiqiy o'rtamiyonalar va “A” seriyada qolish uchun kurashadigan jamoalar bahsi. Bu erda ortiqcha gap-so'zlarga hojat yo'q. Har ikki jamoa muhim ochkolarga ega chiqish uchun kurash olib boradi. CHunki peshqadamlardan ochko olgandan ko'ra shunday raqobatchini ochkosiz qoldirish foydaliroq. SHu sababli murabbiylarning taktik jangida kim kuchliroq chiqsa, o'sha jamoa g'alaba qozonadi. Oxirgi 3 bellashuvda 7 ochko to'plagan “Sassuolo” safida Berardi o'zini ko'rsatyapti. Biroq etakchi himoyachi sanalgan Antei diskvalifikaciya sababli o'yinni o'tkazib yuboradi. Mezbonlar safida Ibarbo va Nainggolan singari etakchilar o'yin taqdirini hal etishga urinib ko'rishadi.

19:00. Kevo – Livorno
Taxminimiz – 1:0
Veronada kechadigan bahs autsayderlar bahsiga aylanadi. Bu jamoalarni uch ochko ajratmoqda, mehmonlar yuqoriroqda borishyapti. Oxirgi 2 turda o'ziga kelgan “Kevo” bu safar ham muhim ochkolarni qo'ldan chiqarmasa kerak. “Livorno” o'z maydonidagi uchrashuvlarga ko'proq etibor qaratyapti. Mazkur uchrashuvda veronaliklar zafar quchish ehtimoli ko'proq.

22:30. Yuventus – Udineze
Taxminimiz – 3:0
“Zebra”lar bellashuvi. Har ikki jamoaning birinchi libosi o'xshash. SHu sababli ular o'rtasidagi bahsni Italiyada shunday atashadi. Mehmonlar etakchisi Antonio Di Natale jamoasi “Yuventus”ni dog'da qoldirishga urinib ko'rishini takidladi. Biroq udineliklar ushbu mavsumda safarda 6 bahsdan 5tasida imkoniyatni boy berishdi. Antonio Konte shogirdlari esa oktyabr oyi o'rtalaridan boshlab yuqori saviyaga chiqishdi. Oxirgi 5 bellashuvda turinliklar gol o'tkazishmadi va barcha o'yinda g'alaba qozonishdi. Franchesko Gvidolin har doimgidek iqtidorli futbolchilardan yaxshi jamoa tuzishga intilmoqda. Lekin “Yuventus”da tarkib va ijrochilar mahorati borasida yaqqol ustunlik mavjud. Italiya uchun xos bo'lmagan vaqtda boshlanadigan uchrashuvni tomosha qilish uchun 10 mingga yaqin bolalar tashrif buyurishadi. “Napoli” bilan bellashuvdan so'ng shimoliy va janubiy tribunalarga tiffozilarning kirishi bir o'yinga taqiqlangandi. Natijada klub rahbariyati bolalarga o'yinni kuzatish imkoniyatini tuhfa etdi.

2 dekabr, dushanba
23:00. Fiorentina – Verona
Taxminimiz – 4:2
Florenciyaga Luka Toni qaytmoqda. Biroq endi u raqib etakchisi sifatida “Artemio Franki”da maydonga tushadi. Toni “Verona” safida 5 to'p kiritib, yana 7 to'p kiritilishida bevosita ishtirok etdi. Turnir jadvalida yonma-yon borayotgan klublarning o'zaro uchrashuvida florenciyalar favorit. Vinchenco Montella shogirdlari bu mavsumda ham hujumkor futbol bilan muxlislarni xursand etib kelishyapti. ECHLda o'ynash huquqini beradigan o'rinlardan biriga davogarlik qilayotgan “Fiorentina”da bunga etarlicha imkoniyat bor. Veronaliklar mavsum arafasida “A” seriyada qolishni xohlashlarini bayon etishgandi. Lekin hozirgi o'yini bilan jamoa Evropa Ligasiga yo'llanma olish uchun kurashib ko'rsa bo'ladi. “A” seriyada qolish vazifasini “Verona” davra oxirigacha bajarib qo'ysa ajab emas.

01:00. Lacio – Napoli
Taxminimiz – 2:1
Turni Rimda o'tadigan markaziy uchrashuv yakunlab beradi. Oxirgi turlarda duranglar girdobiga tushib qolgan Vladimir Petkovich shogirdlari Xamshik va Sunigasiz qolgan “Napoli” qarshiligini sindirishga urinib ko'rishadi. Rafael Benites jamoasi so'nggi 3 bellashuvda mag'lubiyatga uchradi. “Lacio” murabbiyi keyingi yozdan SHveycariya terma jamoasini boshqarishi mumkinligi haqida Evropa OAV xabar tarqatdi, biroq buni “Lacio” prezidenti tasdiqlagani yo'q. Petkovich etiborini dushanba kuni o'tkaziladigan muhim bellashuvga qaratgan. SHiddatli kechadigan uchrashuvda mezbonlarning imkoniyati salgina yuqori.


14-tur oldidan turnir jadvali

#	Jamoa	O'	YU	D	M	UG - O'G	T-N	Ochk
1	Juventus	13	11	1	1	28 - 10	18	34
2	Roma	13	10	3	0	26 - 3	23	33
3	SSC Napoli	13	9	1	3	24 - 12	12	28
4	Inter	13	7	5	1	30 - 13	17	26
5	Fiorentina	13	7	3	3	24 - 15	9	24
6	Hellas Verona	13	7	1	5	22 - 20	2	22
7	Genoa	13	5	3	5	14 - 15	-1	18
8	Lazio	13	4	5	4	17 - 17	0	17
9	Parma	13	4	4	5	18 - 20	-2	16
10	Atalanta	13	5	1	7	14 - 17	-3	16
11	Udinese	13	5	1	7	12 - 15	-3	16
12	Torino	13	3	6	4	22 - 22	0	15
13	AC Milan	13	3	5	5	18 - 20	-2	14
14	Cagliari	13	3	5	5	13 - 20	-7	14
15	Sassuolo	13	3	4	6	15 - 28	-13	13
16	Livorno	13	3	3	7	13 - 20	-7	12
17	Bologna	13	2	5	6	15 - 25	-10	11
18	Sampdoria	13	2	4	7	14 - 23	-9	10
19	ChievoVerona	13	2	3	8	8 - 18	-10	9
20	Catania	13	2	3	8	9 - 23	-14	9

Behzod Nazarov tayyorladi.