A PRO-Liga. "Xorazm" ikkinchi bo'limda o'tkazib yuborilgan gollar evaziga Farg'onada mag'lub bo'ldi
29 iyu 2019 21:16
Yangiliklar

A PRO-Liga. "Xorazm" ikkinchi bo'limda o'tkazib yuborilgan gollar evaziga Farg'onada mag'lub bo'ldi

A PRO-Liga 12-turida Qirgulidagi "Neftchi" SK da "Istiqlol" jamoasi "Xorazm"ni qabul qildi.

Uchrashuvning birinchi bo'limi har ikki jamoa vakillarining faol harakatlari bilan boshlandi. Dastlabki daqiqalardanoq hujumga otlangan mezbonlarda birinchi bo'lim davomida raqiblari darvozasini ishg'ol etish uchun ko'plab imkoniyatlarga ega bo'lgan bo'lishsada, ularga gol kiritish nasib qilmadi. O'z navbatida mezbonlarning hujumlariga qarshi hujum bilan javob qaytargan "Xorazm" jamoasi vakillarida ham vaziyatlar yuzaga keldi, biroq birinchi bo'lim davomida gol kiritish ularga ham nasib etmadi. Birinchi bo'lim shu tariqa 0:0 hisobida yakuniga etdi.

Ikkinchi bo'lim boshidanoq faol o'yin namoyish etgan "Istiqlol" jamoa vakillarining hujumlari xavfli tus ola boshladi. Nihoyat 62-daqiqaga kelib uchrashuvda hisob ochildi. Mezbonlarning 17-raqamli futbolchisi Anvar Hojimirzaev o'zining tezkor harakatlari bilan mehmonlar darvozasiga gol kiritish imkoniyatiga ega bo'ldi va hisobni ochdi. 70-daqiqada mezbonlar hisobni 2:0 ko'rinishiga keltirishdi. Bu vaziyatda gol muallifi Rustam Abduxamidov bo'ldi. Ikkinchi bo'lim yakuniga qadar darvozalarga boshqa gol kiritilmadi va uchrashuv "Istiqlol" jamoasining 2:0 hisobidagi g'alabasi bilan yakuniga etdi.

"ISTIQLOL" – "XORAZM" 2:0 (0:0)

Hakamlar: D. Rahmonov, H. Muzaffarov, X. Bahodirov
Nazoratchi: M. Ismoilov
Komissar: U. Azizov

Gollar: Anvar Hojimirzaev 62 (1:0), Rustam Abduxamidov 70 (2:0)

"Istiqlol": 1.Rustam Nartadjiev, 3.Farrux Ibrohimov, 5.Abduxoliq Qurbonov, 7. Riza Ayvazov, 8.Sardorbek Sotvoldiev, 13. Timur Sultonov, 14.Rustamjon Abduhamidov, 17.Anvarjon Xojimirzaev, 19. Fayzullobek Jumanqo'ziev, 21. Elyor Mamasoliev, 30.Eldor Ergashev
Zaxira: 12. Jasurbek Abdullaev, 4. Jasurbek Ermamatov, 9. Abduqodir Artikov, 10. Elyor Akbarov, 11. Anvar Berdiev, 18.SHoxrux Boyqo'ziev, 20. Ulug'bek Xudoyberdiev, 22. Sardor Telyakov

"Xorazm": 35. G'ayratjon O'daev, 2. Jasur Atajonov, 3. Ravshanbek Sultonov, 4. Timur Bekchanov, 10. Siroj Ro'zmetov, 11. Timur Masharipov, 13. Sarvarbek Jumaniyazov, 14. Mirjalol Qurbonov, 15. Dadaxon Yusupov, 16. Rafiqbek Karimov, 29. Miras Karlibaev
Zaxira: 8. Nematjon Madaminov, 9. Habibulla Matyoqubov, 28. Erbol Seytnazarov

"Istiqlol" matbuot xizmati bilan xamkorlikda tayyorlandi.