A PRO-Liga. “Neftchi” “SHo'rtan”ni yirik hisobda mag'lubiyatga uchratdi (batafsil sharh)

Uchrashuv maydon egalarining faol harakatlari bilan boshlandi. Birinchi bo'lim 12-daqiqasidayoq “Neftchi” vakillari raqiblari darvozasiga tezkor gol kiritishni uddasidan chiqdilar. Tajribali Bahodir Akramov uzoq masofadan gol kiritib, “Neftchi”ni oldinga olib chiqdi – 1:0. SHundan so'ng “SHo'rtan” jamoasi vakillari hisobni tenglashtirish uchun hujumkorlikni oshirdilar. Mehmonlar tomonidan uyushtirilgan hujumlar xavfli ko'rinish hosil qilgan bo'lsada, samarasiz yakunlandi. Birinchi bo'lim yakunlanib borayotgan pallada “SHo'rtan” vakilari o'z jarima maydonlari ichida mezbonlar futbolchisi Xurshid Asqaralievni yiqitishdi va bosh hakam 11 metrlik jarima zarbasi belgiladi. Nuqtaga yaqinlashgan “Neftchi”ning yosh xujumchisi Xamidullo Abduhamidov zarbada adashmadi – 2:0. 

Birinchi bo'lim shu tariqa “Neftchi”ning 2:0 hisobidagi g'alabasi bilan yakuniga etdi.

Uchrashuvning ikkinchi bo'limini “SHo'rtan” vakillari faol tarzda boshlashdi. Yaratilayotgan vaziyatlar, ketma-ket hujumlar “Neftchi” himoyachilari va posboninining tartibli harakatlari evaziga bartaraf etildi. 71-daqiqaga kelib zahiradan o'yinga qo'shilgan mezbonlar futbolchisi Davron Isoqovning uzatmasidan so'ng yana o'sha Xamidullo Abduxamidov darvozabon bilan birga-bir vaziyatga chiqib borib “SHo'rtan” darvozasini ishg'ol qildi – 3:0. Ikkinchi bo'limga hakam tomonidan qo'shib berilgan daqiqalar o'tib borayotganda mezbonlarning 77-raqamli futbolchisi Islombek Karimov uzoq masofadan aniq zarba yo'llab, “SHo'rtan ” darvozasini ishg'ol etdi – 4:0. Uchrashuv shu tarqia maydon eaglarining yirik hisobdagi g'alabasi bilan yakunlandi.

PRO-liga. "A" guruhi.
3-tur
“Neftchi”-“SHo'rtan” 4:0 (2:0)
Gollar: Bahodir Akramov, 12 (1:0), Xamidullo Abduxamidov 45+1-pen (2:0), Xamidullo Abduxamidov, 71 (3:0), Islombek Karimov 90+3, (4:0)
Hakamlar: SH.Nasibullaev, X.Baxodirov, O.Kalaxo'jaev, M. Fozilov.
Nazoratchi: I.Nexochin.
Komissar: S.Qudratullaev.
"Neftchi": 12. Muzaffar Abdullaev, 4. SHodiyor Xojimatov, 5. Ruslan Meleziddinov, 6. Baxodir Akramov, 7. Islombek Toshpo'latov, 9. Nosir Otaqo'ziev, 10. Xurshid Asqaraliev,
11. Xamidullo Abduxamidov, 13. Jamshid Qobulov, 20. Dilyor Irmatov, 77. Islombek Karimov.
Zaxira: 21. Farrux Turdaliev, 2. Asilbek G'oyibjonov, 3. Davron Mamatov, 8. Doston Abdurahmonov, 15. Mirjamol Nematov, 17. Ilxom Vaxobov, 18. Davron Isaqov
“SHo'rtan”: 1.Botir Nosirov, 2.Nurali Padarov, 5.Sunnatillo Mamadaliev, 6.Xolmurod Xolmurodov, 7.Olimjon Karimov, 8.Sirojiddin Rahmatullaev, 10. Marufxon Murodov, 14.Akrom Bahromov, 22.Farhod Nomozov, 26.Qahramon Bahodirov, 28. SHerzod Temirov.
Zaxira: 1.Akmal Rahimov, 3.Hasanboy Ergashev, 11. Jasur Xolto'raev, 18.Samandar SHodmonov, 8.Islom SHodmonov.

Bekzod Tolibov tayyorladi.