42 futbolchi, 6ta o'yin, 2ta g'alaba, 4 mag'lubiyat. O'zbekiston terma jamoasi uchun 2020 yil qanday o'tdi?
23 noy 2020 21:06
Yangiliklar

42 futbolchi, 6ta o'yin, 2ta g'alaba, 4 mag'lubiyat. O'zbekiston terma jamoasi uchun 2020 yil qanday o'tdi?

O'zbekiston terma jamoasi 2020 yil hisobida boshqa o'yin o'tkazmaydi. SHu bois yakuniga etayotgan yilni sarhisob qildik.

2020 yilda O'zbekiston terma jamoasi 6ta uchrashuv o'tkazdi. Ularning barchasi o'rtoqlik maqomida bo'ldi. Bunga dunyoda hukm surayotgan pandemiya sababligini barcha yaxshi tushunib turibdi.

Terma jamoamiz 2ta o'yinda g'alabaga erishishdi (Tojikiston va BAA) va 4 marta mag'lub bo'ldi (Belarus, Eron, Suriya va Iroq). Bu yil jamoamiz umuman durang o'ynamadi.

Oltita o'yinda vakillarimiz 6ta gol urishdi va 8ta gol o'tkazib yuborishdi.

Igor Sergeev 2020 yilda terma jamoamiz safida eng ko'p gol urgan futbolchiga aylandi. U BAA bilan bahsda dublga erishdi. Murod Xolmuhammedov, Eldor SHomurodov, SHahzod Ubaydullaev va Dostonbek Hamdamov bittadan gol urishdi.

Futbolchilarimiz bu yil uchta golli uzatma berishdi. Ikkita gol penaltidan urildi, bitta gol raqib futbolchisining xatosidan keyin urildi. Sanjar Qodirqulov ikki marta, Dostonbek Hamdamov bir marta sheriklariga samarali to'p uzatishni amalga oshirdi.

Bu yil hakamlar raqiblar darvozasiga ikkita penalti belgilashdi. Xolmuhammedov Tojikiston, Hamdamov Iroq bilan o'yinda 11 metrli jarima to'pidan gol urishdi.

Raqiblarimiz esa mana shu 6ta bahsda besh marta penalti tepishdi. Mehdi Taremi (Eron), Sebastyan Talyabue (BAA) va Ali Adnan (Iroq) penaltidan gol urishgan bo'lsa belaruslik Stanislav Dragunning zarbasini Eldorbek Suyunov, suriyalik Mahmud Al Mavasning zarbasini Abduvohid Nematov qaytarishga erishdi.

Terma jamoa bosh murabbiyi Vadim Abramov 2020 yilda 42 nafar futbolchini maydonga tushirdi.

Bu yil maydonga tushgan eng yosh futbolchi - Jasur Jaloliddinov (17 yosh 283 kunligida)
Bu yil maydonga tushgan eng yoshi katta futbolchi - Lutfulla To'raev (32 yosh 232 kunligida)
Bu yil gol urgan eng yosh futbolchi - SHahzod Ubaydullaev (22 yosh 185 kunligida)
Bu yil gol urgan eng yoshi katta futbolchi - Murod Xolmuhammedov (29 yosh 252 kunligida)
Bu yil golli uzatma bergan eng yosh futbolchi - Sanjar Qodirqulov (23 yosh 99 kunligida)
Bu yil golli uzatma bergan eng yoshi katta futbolchi - Dostonbek Hamdamov (24 yosh 80 kunligida)
Bu yil sariq kartochka olgan eng yosh futbolchi - IbrohimHalil Yo'ldoshev (19 yosh 240 kunligida)
Bu yil sariq kartochka olgan eng yoshi kata futbolchi - Lutfulla To'raev (32 yosh 227 kunligida)
Bu yil qizil kartochka olgan yagona futbolchi - Hojiakbar Alijonov (23 yosh 207 kun)

Abramov 6ta o'yinda ikki darvozabon xizmatidan foydalandi - Eldorbek Suyunov va Abduvohid Nematov.

Suyunov ikkita o'yinda (Belarus va Eron) 3ta gol o'tkazdi, darvozasi tomon belgilangan ikkita penaltidan bittasini qaytardi.

Nematov to'rtta bahsda (Tojikiston, BAA, Suriya, Iroq) 5ta gol o'tkazdi, darvozasi tomon belgilangan uchta penaltidan bittasini qaytardi.

Ikki futbolchi bu yilgi oltita o'yinning barchasida maydonga tushdi - Islomjon Qobilov va Murod Xolmuhammedov.

Bu yil besh nafar futbolchimiz jami 9 marta ogohlantirish olishdi. Uchta sariq olgan Islomjon Qobilov bu borada "peshqadam" bo'ldi. Xolmuhammedov va Abror Ismoilov ikki martadan ogohlantirilishdi. 2020 yilgi mavsumda terma jamoamiz futbolchisi bir marta qizil kartochka oldi. Hojiakbar Alijonov Suriya bilan bahsda maydondan chetlatildi.

O'zbekiston terma jamoasi safida 2020 yil maydonga tushgan barcha futbolchilar:

Futbolchi	Klub	Amplua	Tug'.sana.	O'yin	Daqiqa	Gol	Golli pas	SK	QK
QOBILOV Islomjon	Bunyodkor	Him	01.06.1997	6	495	0	0	3	0
XOLMUHAMMEDOV Murod	Qo'qon-1912	Him	25.12.1990	6	331	1	0	2	0
QODIRQULOV Sanjar	Bunyodkor	Yahm	27.05.1997	5	335	0	2	0	0
ISMOILOV Abror	Paxtakor	Yahm	08.01.1998	5	310	0	0	2	0
ERKINOV Hojimat	AGMK / Paxtakor	Yahm	29.05.2001	5	271	0	0	0	0
NE'MATOV Abduvohid	Nasaf	Dar	20.03.2001	4	360	0	0	0	0
YULDASHEV IbrohimHalil	Bunyodkor	Him	14.02.2001	4	360	0	0	1	0
TO'RAEV Lutfulla	Bunyodkor	Yahm	30.03.1988	4	300	0	0	1	0
MASHARIPOV Jaloliddin	Paxtakor	Yahm	01.09.1993	4	203	0	0	0	0
BOZOROV Oybek	Nasaf	Yahm	07.08.1997	4	175	0	0	0	0
G'ANIEV Azizjon	SHabab Al Ahli (BAA)	Yahm	22.02.1998	3	270	0	0	0	0
GOLBAN Igor	Navbahor	Him	31.07.1990	3	191	0	0	0	0
SERGEEV Igor	Paxtakor	Huj	30.04.1993	3	145	2	0	0	0
HAMDAMOV Dostonbek	Paxtakor	Yahm	24.07.1996	3	135	1	1	0	0
TURG'UNBOEV Azizbek	Navbahor	Yahm	01.10.1994	3	114	0	0	0	0
UBAYDULLAEV SHahzod	Metallurg	Huj	02.03.1998	3	74	1	0	0	0
MOZGOVOY Akmal	Nasaf	Yahm	02.04.1999	3	40	0	0	0	0
SUYUNOV Eldorbek	Paxtakor	Dar	12.04.1991	2	180	0	0	0	0
ASHURMATOV Rustamjon	Kvandju (J.Koreya)	Him	07.07.1996	2	146	0	0	0	0
SHUKUROV Otabek	SHarja (BAA)	Yahm	22.06.1996	2	123	0	0	0	0
ABDIXOLIQOV Bobir	Nasaf	Huj	23.04.1997	2	120	0	0	0	0
SAYFIEV Farruh	Paxtakor	Yahm	17.01.1991	2	108	0	0	0	0
ABDUXOLIQOV Temurxo'ja	Lokomotiv	Huj	25.09.1991	2	98	0	0	0	0
ALIJONOV Hojiakbar	Paxtakor	Him	19.04.1997	2	55	0	0	0	1
NORXONOV SHohruz	So'g'diyona	Huj	13.04.1993	2	48	0	0	0	0
ALIQULOV Husniddin	Nasaf	Him	04.04.1999	1	90	0	0	0	0
ZOTEEV Oleg	Lokomotiv / CHonnam Dragons (J.Koreya)	Yahm	05.07.1989	1	90	0	0	0	0
KRIMEC Egor	Paxtakor	Him	27.01.1992	1	90	0	0	0	0
HAMROBEKOV Odiljon	Paxtakor	Yahm	13.02.1996	1	90	0	0	0	0
SHOMURODOV Eldor	Rostov (Rossiya) / Jenoa (Italiya)	Huj	29.06.1995	1	76	1	0	0	0
ISKANDEROV Jamshid	Seongnam (J.Koreya)	Yahm	16.10.1993	1	67	0	0	0	0
ISMATULLAEV Akbar	Metallurg / Buriram (Tailand)	Him	10.01.1991	1	58	0	0	0	0
JALOLIDDINOV Jasur	Bunyodkor / Lokomotiv M / Tambov (Rossiya)	Yahm	15.05.2002	1	45	0	0	0	0
MURTOZAEV Humoyun	Bunyodkor / Mashal	Huj	08.11.1992	1	45	0	0	0	0
ESHMURODOV Umar	Nasaf	Him	30.11.1992	1	45	0	0	0	0
YAXSHIBOEV Jasurbek	Energetik BGU / SHaxtyor (Belarus)	Yahm	24.06.1997	1	45	0	0	0	0
ALIBOEV Ikrom	Seul (J.Koreya)	Yahm	09.01.1994	1	34	0	0	0	0
MUHITDINOV SHarof	Nasaf	Yahm	14.07.1997	1	32	0	0	0	0
RO'ZIEV Quvondiq	Qo'qon-1912	Yahm	06.10.1994	1	27	0	0	0	0
TO'XTASINOV Nurillo	Bunyodkor	Yahm	19.02.1997	1	27	0	0	0	0
IKROMOV Farruh	Bunyodkor	Yahm	09.07.1998	1	6	0	0	0	0
SHOYQULOV Iskandar	So'g'diyona	Him	26.04.1993	1	6	0	0	0	0