O'FA va PFL kelishilgan o'yinlarda ishtirok etgani aniqlangan ikki klubni chetlashtirdi
18 okt 2019 11:55
Yangiliklar

O'FA va PFL kelishilgan o'yinlarda ishtirok etgani aniqlangan ikki klubni chetlashtirdi

Xabaringiz bor, joriy yilning iyul oyida O'zbekiston futbol Associaciyasi Osiyo futbol Konfederaciyasi bilan kelishilgan o'yinlar hamda totalizatorga qarshi kurashda yaqindan hamkorlik qilish bo'yicha kelishib olgan edi.

Ushbu hamkorlik natijasi o'laroq, "A" Pro-liga ishtirokchisi "Iftixor" hamda "B" Pro-ligada ishtirok etib kelayotgan "Rash Milk" futbol klublarining kelishilgan o'yinlarga aloqador ekanligi, shuningdek Reglament talablarini qo'pol ravishda buzib kelayotgani aniqlandi.

SHu sababdan O'FAning Intizom va odob-ahloq (etika) va Licenziyalash qo'mitalarining qaroriga asoslanib PFL tomonidan 2019 yilgi mavsumda "Rash Milk" futbol klubiga O'zbekiston chempionatining "V" Pro-ligada, "Iftixor" futbol klubiga esa "A" Pro-ligada ishtirok etish uchun berilgan licenziyalarning amal qilishi tugatildi va ushbu ikki klub musobaqalardan chetlashtirildi.

Malumot uchun, "Iftixor" "A" Pro-ligada 20ta o'yin o'tkazgan holda bor yo'g'i 5 ochko bilan so'nggi pog'onada borayotgan bo'lsa, "Rash Milk" "B" Pro-ligada 21ta uchrashuvdan keyin 41 ochko to'plab, "Lokomotiv BFK" bilan birga ikkinchi o'rinni bo'lishib turgan edi.

Havola :

Manba : ЎФА матбуот хизмати

Yangiliklarni Telegramda o'qing!

Reyting: +22