23-tur prevyusi: "Paxtakor" - "Metallurg"

Mavsum oxirlab borgani sari har bir o'yinning ahamiyati ortib bormoqda. Jamoamiz chempionlik uchun kurashyapti va g'alabalar biz uchun juda muhim. "Metallurg" esa mavsumni yaxshi boshlamagan bo'lsa-da, keyinchalik barqaror o'yini orqali 7-pog'onaga ko'tarilib oldi.

Jamoalar oliy ligada 35 bor to'qnash kelishgan. SHulardan 28tasida "Paxtakor" g'olib bo'lgan. 3 o'yinda "Metallurg" g'alabani tantana qilgan. 4 marta durang natija qayd etilgan. To'plar nisbati “Paxtakor” foydasiga 95:26 ni tashkil qilmoqda.

Jamoamiz o'z uyida bu raqibni 15 marta mag'lub etgan. Toshkentda bo'lib o'tgan ikkita o'yinda g'olib aniqlanmagan. “Metallurg” safarda “Paxtakor”ni mag'lub eta olmagan. Bekobodda birinchi davrada kechgan uchrashuvda Bahodir Pardaev ikki to'p kiritib, "sherlar"ning g'alabasini taminlagandi - 2:1.

Uchrashuvni Olim Tolibjonov boshchiligidagi hakamlar boshqarib boradi. Yoshlar tarkiblari bahsi 24 sentyabr, payshanba kuni Qibrayda soat 16:00da boshlanadi. Asosiy jamoalar o'yini esa "Paxtakor" stadionida 25 sentyabr kuni soat 17:30da start oladi.

"PAXTAKOR" - "METALLURG"

Hakamlar: Olim Tolibjonov (Toshkent), Ruslan Serazetdinov (Toshkent), Sanjar SHoyusupov (Toshkent), Naim Qosimov (Qarshi).

Nazoratchi: SHamil Jumaev (SHahrisabz).