2019 yilning eng yaxshi o'yinlari. AGMK - "Qo'qon-1912" 7:1

2019 yilgi Superliganing 3-turida Mirjalol Qosimov va No'mon Hasanov boshchiligidagi jamoalar to'qnash kelishgandi. Ikki klub ham dastlabki ikki turda g'alaba qozona olmagani o'yin ahamiyati yuqori ekanini anglatardi. 

Uchrashuvning 10-daqiqasida Jasur Hasanovning uzatgan to'pini Zafar Polvonov mehmonlar darvozasiga yo'llab hisobni ochgandi. 27-daqiqada bahs natijasiga katta tasir qilgan hodisa sodir bo'ladi. Qo'qonliklar vakili Iqbol Malikjonov ikkinchi sariq kartochkasini olib maydonni tark etadi. SHundan keyin maydon egalarini to'xtatib bo'lmadi. Birinchi taymda Dilshod Jo'raev va yana Zafar Polvonov gol urib hisobni yiriklashtirishdi. 

Ikkinchi taym boshida Murod Xolmuhammedov belgilangan penaltidan to'p kiritib hisobni qisqartiradi. 72-daqiqada Oybek Rustamov darvozaga kirib ketayotgan to'pni qo'li bilan qaytaradi va haqli ravishda qizil kartochka oladi. "Qo'qon-1912" 9 kishi bo'lib qoladi. Belgilangan penaltini Dilshod Jo'raev unumli foydalanib o'zining ikkinchi, jamoasining to'rtinchi golini uradi. 

So'nggi daqiqalar Zafar Polvonovning benefisiga aylanib ketadi. 76, 80 va 90+2-daqiqalarda hujumchi uch bor gol uradi va o'yinda jami 5ta to'p kiritishga (penta-trik) muvaffaq bo'ladi - 7:1.

AGMK - "QO'QON-1912" - 7:1 (3:0)
07.04.2019. 3-tur. Olmaliq. OKMK stadioni. 2152 tomoshabin.
Gollar:
1:0 - Polvonov Zafar (Hasanov Jasur O.), 10
2:0 - Jo'raev Dilshod (Hasanov Jasur O.), 32
3:0 - Polvonov Zafar (Qosimov Mirjamol), 37
3:1 - Xolmuhammedov Murod - penaltidan, 56
4:1 - Jo'raev Dilshod - penaltidan, 72
5:1 - Polvonov Zafar (SHorahmedov Akmal), 76
6:1 - Polvonov Zafar (Pirimov Zohir), 80
7:1 - Polvonov Zafar (SHixov Sanat), 90+2
AGMK: To'raev Akbar; Qosimov Mirjamol; Jo'raev Dilshod; Hasanov Jasur O. (SHixov Sanat, 81); Rahmatov Saydullo; Yuldashev Boburbek; Kostich Mirolyub (Fayziev SHerzod, 78); SHorahmedov Akmal; Toshmatov Murodjon (Saidazimov Kamron, 46); Pirimov Zohir; Polvonov Zafar.
QO'QON-1912: Knejevich Boyan; Ro'ziev Quvondiq; Esonqulov Javohir; Rustamov Oybek; Hasanov Jasur D. (Nikolich Milosh, 46); Malikjonov Iqbol; Merzlyakov Aleksandr; Milich Marko; Xolmuxammedov Murod; Hasanov Muxammadanas (Mamatxo'jaev Avazxon, 78); Usmonov Temur (Erkinov SHahboz, 46)
Ogohlantirishlar: Malikjonov Iqbol, 20; Qosimov Mirjamol, 55; Saidazimov Kamron, 86.
CHetlatish: Malikjonov Iqbol, 27 (2SK); Rustamov Oybek, 72.

Video sportstat.uz saytidan olindi