2013 yilgi Oliy liga to'purari Oleksandr Pishur haqida

CHempionatimizda porlagan va ko'pchilik klublarning himoyachilari uchun noqulay hujumchi bo'lgan Pishurning yurtimizdagi so'ngi yillaridagi faoliyati u qadar yorqin chiqmadi. “Bunyodkor”dan so'ng 2016 yil Rashid G'ofurov boshchiligidagi “Navbahor” uni chorlagandi. Lekin, ikkinchi davrada murabbiylarning o'zgarishi natijasida u ham ketdi “Lochinlar” tarkibida 14 bahsda 5ta gol natijasini qayd etdi. Keyingi yili “SHo'rtan” bosh murabbiyiga aylangan Aleksandr Volkov sobiq shogirdini jamoasiga taklif qildi. Lekin, oradan beshta tur o'tgach murabbiy ham, futbolchi ham g'uzorliklar bilan xayrlashishga qaror qilishdi. Aytish mumkinki, forvard faqatgina “Bunyodkor” tarkibida o'zini ko'rsata oldi va sermahsullik qayd etdi. Poytaxtdagi faoliyati mobaynida jami 44ta uchrashuvda qatnashdi va 30ga yaqin gollarga mualliflik qildi. Uning ayniqsa 2013 yil O'zbekiston kubogi finalida “Nasaf” darvozasiga oxirgi daqiqalarda urgan goli “qaldirg'ochlar”ga to'rtinchi kubokni taqdim qildi. Mana hali hamon olti yildirki, ular mamlakat kubogida zafar qucha olishmayapti. 2014, 2015, 2017 yillarda esa finalda imkoniyatni boy berib qo'ygandi. Bu haqda futbolchining o'zi shunday degandi.

“Zavq va ishtiyoq bilan aytamanki, “Bunyodkor” bilan ko'plab sovrinlarni yutdim. Jamoa va ahil murabbiylar shtabi tufayli chempionat to'purari bo'ldim. Men kelgan yilim OCHLda yomon qatnashmadik. Guruhda birinchi o'rinni egallagandik. Ishonch bilan fikr bildiradigan bo'lsam Toshkentda faoliyatimning eng yaxshi davrlarini o'tkazdim. Futbolchi Qosimov va Volkov qo'l ostida har tomonlama o'sishga erishadi deb o'ylayman. Bunday murabbiylar bilan birga ishlash yoqimli va foydali.

Har bir urgan golim o'ziga xos muhim ahamiyatga ega deb bilaman. OCHL, kubok va chempionat o'yinlarida ko'plab gollar urganman. Ammo, kubok finalida “Nasaf”ga kiritgan to'pim men uchun qadrliroqdir.

Sergey Lushan kelgach ichki muhitga dars ketdi. Uning uslubini tushunishga qiynalganman. Lushan boshqaruvida ko'p bor asosiy tarkibdan tushib qolganman. Bazi uchrashuvlarda maydonga tushmasam raqiblar xursand bo'lardi.

“SHo'rtan”dan nega ketdim? Atrofdagilarni va o'zimni asabimni asrashim uchun. Volkov talabchan murabbiy, futbolni tushunish darajasi yuqori. Futbolchilardan kerakli paytda foydalanishni biladi. Agar, unga imkoniyat berilganida, moliyaviy holat barqaror bo'lganida o'sha payt bemalol kuchli oltilikka kira olardi. Volkovning maxsus sistemasi mavjud, Evropacha uslubda ish olib boradi”, - degandi Pishur.

Malumot o'rnida, Pishur 2018 yildan beri Ukraina chempionati vakili “Desna” jamoasida bosh murabbiy Aleksandr Ryabakonga ko'maklashib kelmoqda.

U “Bunyodkor” jamoasida o'tkazgan ikki mavsumida quyidagicha natija ko'rsatgandi. 2013 yilgi mavsumda 25ta uchrashuv, 1849 daqiqa, 19ta gol, 3ta sariq kartochka. 2014 mavsumda mavsumda 19ta uchrashuv, 1302 daqiqa, 5ta gol 1ta qizil kartochka.