"12-sektor"ning ilk mehmoni Abror Tursunov
03 sen 2014 17:11
Yangiliklar
![](https://championat.asia/upload/storage/143149_original.jpg)
![](/upload/storage/143149_220.jpg)
"12-sektor"ning ilk mehmoni Abror Tursunov
Bugundan boshlab saytimizda yangi, "12-sektor" nomli loyihani ishga tushirishga qaror qildik.
Ushbu loyihaga ko'ra, saytimizda faol, odobli, namunaviy tomonlama o'zini ko'rsata olgan foydalanuvchilarimiz ushbu loyiha mehmoni bo'ladilar. Demak, dastlabki mehmonimiz "Abror Tursunov" nikidagi muxlisimiz bo'ldi.
Tug'ilgan joyi: Sirdaryo viloyati, Guliston shahri.
Tug'ilgan sanasi: 1989 yil, 22 dekabr.
"Toshkent to'qimachilik va engil sanoat instituti"da tahsil olgan.
Ayni paytda "Sifat markazi" xodimi.
- Saytimizga qachondan beri kirasiz va u sizni nimasi bilan qiziqtiradi?
- Taxminan 2010 yilning oxirlaridan. Qatarda bo'lib o'tgan Osiyo Kubogidan oldin saytning foydalanuvchisiga aylanganman. Saytning menga yoqadigan tomoni shundaki, championat.asia boshqalarga nisbatan haqqoniy, reallikka yaqin deb hisoblayman.
- Oliy ligamizda kimga ishqibozlik qilasiz?
- Faqat "Paxtakor"ga. Esimni taniganimdan beri ushbu jamoaning muxlisiman.
- Gulistondan ekansiz, istarmidingiz Gulistonda ham haqiqiy, raqobatbardosh jamoa bo'lishini?
- Albatta. Faqat buning uchun futbolga etibor kuchli bo'lishi zarur. Ayni paytda etibor yo'q.+
- O'zbek futbolida nima yoqadi-yu, nima yoqmaydi?
- Nima desam bo'larkin-a? Jamoamizning, Terma jamoalar markazining boshqaruv uslublari menga yoqmaydi. Yoshlarimiz ko'rsatayotgan natijalar esa kishini xursand qiladi.
- Saytdagi yuzerlardan kimlarni etirof etasiz?
- To'g'risini aytsam, "komment"larni ko'p ham kuzatmayman. O'zim ham kamdan-kam fikr qoldiraman. "I Love Uzb" nomli muxlis bilan bir joydanmiz. O'tgan yil dekabr oyida saytingiz orqali tashkillashtirilgan futbol musobaqasiga ham Gulistondan u bilan birga kelganmiz.
- Saytda yana nimalar qilishimizni istagan bo'lardingiz?
- Saytdagi yaxshi loyihalar to'xtab qoldi. SHulardan "12 oy, 12 viloyat", "Kecha, bugun, ertaga" loyihalarini davom etishini istayman. Umuman olib aytganda esa, barchasi joyida. Sayt dizayni ham shu holicha qolishini xohlayman.
- FIFA.UZ loyihasida eng esda qolarli yoki alamli tur qaysi bo'lgan? Masalan, biror futbolchini sotib yuborganingizdan so'ng u gollar urishni boshlagan...
- SHunga o'xshash holatlar Pishur va Sergeev bilan bo'lib turadi. Ularni jamoaga sotib olishim bilan gol urishdan to'xtashadi, sotib yuborishim bilan esa gollar urishni boshlashadi.
Aziz To'xtamurodov
![AMP Logo](https://championat.asia/image/logo-amp.png)
Fikrlar