UZ

Сўнгги янгиликлар

10:28«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи  1 10:00ЦСКА устози РПЛнинг энг кучли футболчиси кимлигини айтди  2 09:3410 ойга четлатилган Тонали яна узоқ муддатга дисквалификация қилиниши мумкин  0 09:10«РБ Лейпциг» грандлар қизиқаётган футболчига нарх қўйди  1 08:47Златан рамзий термасини тузди ва ўзини қўшмади. Нега қўшмаганини эса Ибра супер тарзда тушунтириб берди  6 08:25Фабрицио Романо Хаби Алонсонинг келажагини очиқлади  4 07:49Про лига. Бугун учинчи тур якунланади  1 07:25Суперлига. Бугун Олмалиқ ва Қаршида ўйинлар бор  2 01:46"Фулхэм" стадион трибунасида очиқ бассейн қурмоқчи  1 01:29Абдуқодир Ҳусанов "Лилль" билан ўйинни ўтказиб юборади  3 00:52Италиялик жаҳон чемпиони Қозоғистонга ташриф буюрди  8 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  15 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  18 23:37БАА футбол федерацияси ёшини сохталаштирган 18 нафар мисрлик футболчини депортация қилди  2 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  1

ЖЧ-2014. Мундиал иштирокчилари - Греция Янгиликлар

ЖЧ-2014. Мундиал иштирокчилари - Греция

Жаҳон чемпионати "С" гуруҳи вакили Греция терма жамоаси ҳақида сўз юритамиз.


Греция терма жамоаси деганда кўпчилик дарҳол Евро-2004 баҳсларини кўз олдиларига келтиришади. Айнан ўша мусобақада Греция оламшумул натижани қайд этиб, бутун дунё футбол жамоатчилигини назарига тушганди. Отто Рехагель бошчилик қилган Греция ўшанда илк ўйинда Европа чемпионати мезбонлари Португалияни мағлуб этишган эди. Кўпчилик буни тасодиф деб қабул қилганди. Лекин немис мутахассиси қўли остида Греция кейинчалик Францияни, Чехияни ва финалда яна ўша Португалияни мағлуб этиб, Европа чемпиони деган номга сазовор бўлишган эди. Бу натижа Греция футболи мухлисларини ҳам эсанкиратиб қўйганди. 


Ўшанда Отто Рехагелнинг ҳимоявий тактикаси кўпчилик томонидан танқид остига олинганди ҳам. Аммо натижа ҳаммасини "ювиб" кетган ва Отто Рехагель Греция футболи тарихида янги саҳифа очишга муяссар бўлганди. 


Европа чемпионлигидан сўнг Греция ўйинида ва натижаларида кескин пасайишлар кузатилди ва жамоада кейинчалик авлодлар алмашуви содир этилди.
Энг қизиғи, Греция терма жамоаси шу кунгача бўлиб ўтган 19 та мундиалнинг атига иккитасида иштирок этишни уддасидан чиқишган. Қолган Жаҳон чемпионатлари ойнаи-жаҳон қаршисидан кузатиб боришган.

Жамоа 1994 йилда АҚШда бўлиб ўтган Жаҳон чемпионатида иштирок этган ва барча ўйинларни мағлубият билан якунлаган. Кейинчалик 2010 йили ЖАРда ўтказилган мундиалда иштирок этишган ва ўз юришларини гуруҳ босқичидаёқ тўхтатишга мажбур бўлганлар. Греция мундиалда жами олтита ўйин ўтказган ва шуларнинг бештасида мағлубиятга учраган. Фақатгина биргина ўйинда уларга ғалаба нашидасини суриш насиб этган. Бу ғалаб ЖАРда Нигерияга варши ўтказилган ўйинда қўлга киритилган.



Ниҳоят Греция кетма-кет иккинчи бор мундиал иштирокчисига айланди ва бу сафар улар ўз кўрсаткичларини яхшилаш учун астойдил курашишмоқчи эканликларини футболчилар таъкидлаб ўтишмоқда.   

Грек футболи кўпчиликка яхши таниш. Ушбу ўлкадан бир қатор таниқли футболчилар етишиб чиқишган. Булар қаторида Теодорос Загоракис, Георгиос Карагунис, Никос Никос Анастопулос, Ангелос Харистеас, Георгиос Самарас, Георгиос Сейтаридис, Костас Кацунарис, Трянос Деллас, Георгиос Георгиадис, Теофанис Гекас каби чарм тўп усталарини келтириш мумкин.



Греция жой олган гуруҳ деярли тенг кучли жамоалардан ташкил топган. Бу гуруҳда кейинги босқич учун бўладиган кураш анча қизғин ва муросасиз беллашувларга бой кечишини тахмин қилиш мумкин. Греция эса ўз тарихида илк бор гуруҳдан чиқа олиш имкониятидан фойдаланишга ҳаракат қилиб кўриши аниқ. 


Грецияни кетма-кет иккинчи бор Жаҳон чемпионатида иштирок этаётгани ҳам уларда ҳозир ҳаммаси рисоладагидек кечаётганидан далолат беради.



Греция терма жамоаси ҳақида:

Ташкил топган йил: 1929

Минтақаси: Европа

Бош мураббий: Фернанду Сантуш (Франция)

Жамоа сардори: Константинос Кацунарис

Энг кўп ўйин ўтказган футболчи
: Георгиос Карагунис (128 ўйин)

Энг яхши тўпурар
: Никос Анастопулос (29 гол)

ФИФА рейтингидаги ўрни: 12

Илк ўйин
: Греция - Италия 1:4 (1929 йил)

Энг йирик ғалаба
: Греция - Сурия 8:0 (1949 йил)

Энг йирик мағлубият: Венгрия - Греция 11:1 (1938 йил)

Эришган ютуқлари
:

Европа чемпиони: 2004




Греция терма жамоасининг якуний таркиби:

Дарвозабон: Орестис Карнезис ("Гранада", Испания), Панайотис Гликос (ПАОК), Стефанос Капино ("Панатинаикос");

Ҳимоячилар
: Хосе Холебас, Яннис Маниатис, Костас Манолас (барчаси – "Олимпиакос"), Сократис Папастатопулос ("Боруссия" Д, Германия), Гиоргос Цавеллас (ПАОК), Лукас Винтра ("Леванте", Испания), Василис Торосидис ("Рома", Италия), Вангелис Морас ("Верона", Италия);

Ярим ҳимоячилар: Александрос Циолис ("Кайсериспор", Турция), Андреас Самарис ("Олимпиакос"), Костас Кацуранис (ПАОК), Георгиос Карагунис ("Фулхэм", Англия), Панайотис Тахцидис ("Торино", Италия), Яннис Фетфацидис ("Дженоа", Италия), Лазарос Кристодолопулус, Панайотис Коне (иккиси – "Болонья", Италия);

Ҳужумчилар
: Димитрис Салпингидис (ПАОК), Георгиос Самарас ("Селтик", Шотландия), Костас Митроглу ("Фулхэм", Англия), Фанис Гекас ("Коньяспор", Туркия). 


Шаҳбоз Беғамов

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика