16 июл 12:30
Янгиликлар

"Зарафшон-ПФК" олий лигага чиқишни мақсад қилмоқда

Навоийнинг "Зарафшон-ПФК" клубининг мақсади олий лигага чиқиш.

Ушбу вазифани бажариш учун клубга бир қатор тажрибали футболчилар жалб этилмоқда.

Олинган маълумотларга кўра "Сўғдиёна" клубидан Акмал Абдураҳмонов ва Хуршид Йўлдошев Навоийга йўл олишган. Бундан ташқари яқинда "Олмалиқ" билан хайрлашган ҳимоячи Акмал Рустамов ҳам "Зарафшон-ПФК"га ўтишга яқин. "Металлург"да бир неча йиллардан буён ўйнаб келаётган ярим ҳимоячи Руслан Вагапов ҳам Юрий Лукин бошқарётган жамоа сафидан ўрин олиши кутилмоқда.

Клуб "Гулистон"нинг бир нечта футболчиларига ҳам ҳаридор. Аммо ҳозирча айнан қайси футболчилар "Зарафшон-ПФК" мураббийлари қизиқишга сабаб бўлгани маълум эмас.

"Зарафшон-ПФК" биринчи лиганинг иккинчи босқичини 4-ўринда бошлайди. Навоий клуби 27 очко жамғариб иккинчи ўриндаги "Андижон"дан 5 очкога ортда қолмоқда. 3-ўриндаги "Қўқон-1912" ҳисобида 28 очко мавжуд.

Ҳавола :

Манба : championat.asia

Энди янгиликлар телефонингизга келади. Телеграмдаги каналимизга улансангиз бўлгани.

Рейтинг: