UZ

Сўнгги янгиликлар

02:38Маротта Санчес билан 3 йиллик шартнома тузилишини маълум қилди  0 02:23ЕЛ. МЮ 1/4 финалда ким билан ўйнайди?  1 02:13ЕЛ. Сўнгги дақиқаларда урилган гол "Манчестер Юнайтедга" ғалаба келтирди  0 02:00ЕЛ. Испан клубидан устун келган "Интер" чорак финалга йўл олди  1 01:45ПСЖ: Мбаппе сафга қайтаётган бир пайтда Верратти жароҳатга йўлиқди  0 01:18ЕЛ. Лукаку Ширернинг рекордини такрорлади  0 01:03Аке: "Ман Сити" Англияда охирги 10 йилнинг энг яхши клубидир"   6 00:39"Милан" "Зенит" футболчисига қизиқиб қолди  0 00:31Клопп Ловренга ўринбосар топди   1 00:24ЕЛ. "Шахтёр" "Вольфсбург"ни, данияликлар "Истанбул"ни мусобақадан чиқариб юборишди  0 00:16"Ювентус" 5 нафар мураббий билан музокара олиб борди. Улар орасида Зидан ва Почеттино ҳам бор   1 00:00ЕЛ. "Интер" ва МЮ иштирокидаги учрашувлар старт олди (онлайн ҳисоб)  0 23:59"Бенфика" Кавани билан шартнома имзолашга яқин   1 23:54"Ман Сити" 41 млн фунтга нидерландиялик футболчини харид қилди  13 23:38"Саутгемптон" Салисуни харид қилди  1

Юртимизга катта футбол қайтди. Кимнинг имкониятлари қандай?! Янгиликлар

Юртимизга катта футбол қайтди. Кимнинг имкониятлари қандай?!

Юртимизга катта футбол қайтмоқда.

Бугун яна ўзимизнинг Coca Cola Суперлига ўйинларидан баҳра оламиз. Кеча сайтимизда фақат рақамлар ҳақида сўз борган тур превьюсини ўқигандингиз.

Coca Cola Суперлига. 4-тур превьюси (фақат рақамлар)


Энди эса ушбу турдаги ўйинларга рақамларсиз, таҳлил ва тахмин нуқтаи назаридан келиб чиқиб тўхталамиз.

Суперлига 4-тур
13.06.2020

19:00. "Бунёдкор" — "Қўқон-1912" "Sport" TV LIVE

Жароҳатлар: Миржаҳон Мираҳмадов - Музаффар Музаффаров
Дисквалификация: Йўқ - Йўқ

Рестартнинг биринчи кунидаги марказий учрашув Тошкентда бўлиб ўтади. Унда "Бунёдкор" жамоаси "Қўқон-1912"ни қабул қилади. Ҳозирча ҳар иккала жамоа ҳисобида ҳам 6 очкодан бор. "Қалдирғочлар" Вадим Абрамов бошчилигида тўп назоратини ўз оёғига олган ҳолда имкон қадар ҳужумкор ўйин кўрсатишга интилиши тайин. Ҳар ҳолда мезбонлардан ўз уйида ҳимоявий ўйин кутиш нотўғри. Жамоада биргина йўқотиш бор, Миржаҳон Мираҳмадов жиддий жароҳат сабаб узоқ муддатга сафдан чиққан. Қолганлар соппа-соғ ва эртанги беллашувга шай. Мираҳмадовнинг ўрнини Баҳодир Пардаев, Шаҳбоз Эркинов, Ҳумоюн Муртазоев ва Владислав Нуриевлардан бири эгаллайди.

Бахтиёр Ашурматов ва Даврон Файзиев биргаликда яхши жамоа шакллантиришмоқда. "Қўқон-1912"нинг асосий фигуралари Мурод Холмуҳаммедов ҳамда Қувондиқ Рўзиев. Суҳроб Бердиев ҳам муҳим рол ўйнайди, аммо биринчи иккитаси биринчи планда. Ашурматов шогирдларининг энг катта устунлиги стандарт вазиятлар. Таркибида Холмуҳаммедов бўлган қўқонликлар аутни ҳам бурчак ёки жарима зарбасидек ижро этишади.

Жамоавий ўйин борасида мезбонлар устунроқ, лекин меҳмонларда ҳам яхши ижрочилар бор ва бу нарса уларга қарши ҳужумларда қўл келиши мумкин. Иккала жамоанинг бу мавсум кўрсатаётган ўйинларидан келиб чиқсак эртага чиройли футбол гувоҳи бўламиз.



20:00. "Қизилқум" — АГМК "Mahalla" TV LIVE

Жароҳатлар: Йўқ - Йўқ
Дисквалификация: Йўқ - Йўқ

Икки хил ҳолатдаги жамоалар тўқнашуви. "Қизилқум" бор йўғи 1 очкога эга ва жуда ёмон ўйин кўрсатаётганди. Аммо, жамоада бош мураббий алмашди. Тачмурод Агамуродовнинг бош мураббий этиб тайинланиши футболчиларга ва уларнинг ўйинига ижобий таъсир қилиши мумкин. Одатда, кўп клубларда мураббий алмашинуви ижобий акс садо беради.

АГМК ҳозирча мағлуб бўлмаган уч клубдан бири бўлиб турибди. Миржалол Қосимов жуда яхши ва тажрибали таркиб йиға олган. Олмалиқликларнинг захира ўриндиғи ҳам узун ва кучли. Бу борада улар мезбонлардан яққол устун. Қосимов олдида кимни асосий таркибда тушириш муаммоси бор ва бу ҳамма мураббийларда ҳам бор деб бўлмайди. Бу эса унда ўйинчилар танлови нисбатан кўпроқ эканлигидан.

Бу учрашувда меҳмонлар фаворит. Аммо, карантиндан кейин ким қандай ҳолатда эканлигини ҳеч ким аниқ айтиб бера олмайди. Шу сабаб, АГМКнинг яққол устунлигига тўла ишонч билдириб бўлмайди. Ажойиб ҳужумкор футболчиларга эга меҳмонлар бундан майдонда самара чиқара олишлари зарур.




14 июнь, якшанба
18:00. "Сўғдиёна" — "Пахтакор" "Sport" TV LIVE

Жароҳатлар: Йўқ - Йўқ
Дисквалификация: Шавкат Муллажонов - Йўқ

Пешқадам аутсайдерга қарши, ҳар ҳолда жамоаларнинг турнир жадвалидаги ҳолати шундай демоқда. Ўтган мавсумнинг 2-даврасида кўпчиликни ҳайрон қолдира олган жиззахликлар бу мавсумни жуда ёмон бошлашди. Жамоадан кетган марказий ярим ҳимоячилар Махарадзе ва Милинковичнинг ўрнига муносиб ўринбосарлар олиб келинмади. Бу эса натижаларга таъсир кўрсатмай қолмаяпти.

Ўзи шундоқ ҳам бошқалардан таркиб ва ўйин томонлама кучлироқ бўлиб турган "Пахтакор"да жароҳат сабаб узоқ муддат сафда бўлмаган футболчилар ҳам қайтишди. Энди "шерлар" олдингидан ҳам хавфлироқ рақибга айланишди. Жавоҳир Сидиқов, Акром Комилов ва Садриддин Абдуллаевларнинг сафга қайтгани Шота Арвеладзега яхши маънода муаммо туғдиради. Яқин орадаги беллашувларда амалдаги чемпионларда ротацияларга тез-тез қўл урилса керак. Ҳар ҳолда, кетма-кет ўйинлар ва таркибнинг жуда кенглиги бунга имкон беради.

Бу учрашувда "Сўғдиёна"да ижобий натижага эришиш учун имконият жуда кам. Карантиндан кейинги илк турда "Пахтакор"нинг очко йўқотиши сенсация бўлиши мумкин. Ҳозир сенсация кўришимиз қийиндек.




20:00. "Насаф" — "Навбаҳор" "Sport" TV LIVE

Жароҳатлар: Йўқ - Абдужамол Исроилов
Дисквалификация: Йўқ - Йўқ

Ўтказиб юбориш умуман тавсия этилмайдиган тўқнашув. Бу афиша томонлама ҳам, ўйин томанлама ҳам 4-турнинг энг асосий қарама-қаршилиги. Рўзиқул Бердиев жамоаси қандай ўйин намойиш этишини кўпчилик жуда яхши билади, шунинг ўзиёқ эртага ажойиб футбол оқшомига гувоҳ бўлишимизга кафолатдек. Қаршиликлар таркибида йўқотишлар йўқ, нисбатан ёшроқ таркибга эга "Насаф"нинг жамоавий ўйини меҳмонларга қараганда яхшироқ шаклланган. Марко Станоевич, Шароф Муҳитдинов ва Бобир Абдухолиқовлар асосий ўйинчиларга айланишди.

Ўтган мавсум жиддий жароҳат сабаб узоқ муддатга сафдан чиққан Абдужамол Исроиловни ҳисобга олмаганда "Навбаҳор"да ҳам йўқотишлар йўқ. Андрей Канчельскис аста-секин Наманганда яхши жамоа шакллантириб келмоқда, шу сабаб ҳозирча жамоавий ўйин борасида устунлик мезбонлар томонда. Лекин, "Навбаҳор" футболчиларининг "Пахтакор" ва "Локомотив"га қарши беллашувлардаги иштиёқи Қаршида ҳам зўр тўқнашув кўришимиздан дарак беради. Зеро, меҳмонлар кучли рақибларга қарши жуда яхши тайёрлана олишмоқда.

Бу ўйинда мезбон фактори рол ўйнамайди. Ёдингизда бўлса, ўтган мавсум "Навбаҳор" Касяннинг голи эвазига Қаршидан ғалаба билан қайтган бўлса, 2-даврада "Насаф" Бобир Абдихолиқовнинг сўнгги дақиқада киритган голи эвазига "Навбаҳор" вакилларини карахт ҳолатга келтириб қўйганди (1:1). Турнир жадвалидаги ўрин ва мезбонлик катта рол ўйнамайдиган тўқнашувни асло ўтказиб юборманг.




15 июнь, душанба
18:00. "Сурхон" — "Машъал" "Dunyo bo`ylab" TV LIVE

Жароҳатлар: Йўқ - Йўқ
Дисквалификация: Шавкат Саломов - Йўқ

Ўртамиёналар учрашуви. Баҳром Ҳайдаров бошчилигидаги "Сурхон" яхшироқ ўйинчилар танловига эга, аммо жамоа сардори Шавкат Саломов фисквалификация сабаб ўйинни ўтказиб юборади. Бу эса мезбонлар ўйинига таъсир қилмай қолмайди. Шунга қарамай, бу жуфтликда устунлик термизликлар томонида.

"Машъал" эса 1-турдаги ёрқин натижадан кейин бироз ҳовуридан тушиб қолгандек. Асосан ёш ўйинчиларга таянаётган муборакликлар балки Термизда мезбонларга муносиб қаршилик кўрсатишар, ҳар ҳолда ёш футболчилар кўпчилик бўлган жамоалан исталган пайт кутилмаган ўйин ва натижа кутиш мумкин. Бундай клублардаги энг катта муаммо эса стабиллик бўлмайди.




18:30. "Бухоро" — "Андижон" "Sport" TV LIVE

Жароҳатлар: Йўқ - Йўқ
Дисквалификация: Йўқ - Йўқ

Ҳали ютмаган жамоалар қарама-қаршилиги. "Бухоро"нинг аҳволи шунчаки ачинарли. Жамоа 3 ўйиннинг барчасида 0:3 ҳисобида имкониятни бой берган, яъни ҳали гол ҳам урмаган. Камига бош мураббий Муҳсин Муҳаммадиев яқиндагина Россиядан қайтиб келди ва ҳозир карантинда. Демак, душанба куни бухороликлар бош мураббийсиз майдонга тушиб келишади. Бу ҳам етмагандек, легионерлар ҳам таркибда эмас. М.Муҳаммадиев 8 май куни берган интервьюсида "Биз ҳам барча футболчиларимизга жавоб бердик. Мураббийлар штаби таътилга чиқди. Легионер футболчиларни ушлаб туришдан маъно йўқ эди, шу сабабли улар ҳам ўз юртларига учиб кетишди", - деганди. Улар ҳамон Ўзбекистонга қайтиб келишмаган. Демак, мезбонлар "Андижон"га қарши ҳам бош мураббийсиз, ҳам легионерларсиз тўп тепишади.

Аслида, "Андижон"нинг аҳволи ҳам "Бухоро"никидан яхши эмасди. Аммо, карантиндан кейин ундай эмас. Мезбонлардаги муаммоларни санаб ўтдик, уларга солиштирганда "Андижон"да ҳаммаси жойида. Жамоага Виктор Кумиков бош мураббий этиб тайинланган. Россиялик мутахассис янги жамоасидаги илк ўйинни ғалаба билан бошлаши учун бундан яхшироқ имконият бўлмаса керак. Муаммолар гирдобида қолиб кетган "Бухоро"ни мағлуб эта олмаслик меҳмонларга кутилмаган натижа бўлиши мумкин.




19:00. "Локомотив" — "Металлург" "Mahalla" TV LIVE

Жароҳатлар: Йўқ - Йўқ
Дисквалификация: Йўқ - Йўқ

Муносиб рақиблар қарама-қаршилиги. "Локомотив"нинг таркиби олдинги мавсумларга қараганда кучсизланди, "Металлург" эса бир неча ёш ва иқтидорли ўйинчиларни олиб келди. Шу сабаб таркиб жиҳатидан жамоалар орасида фарқ катта эмас. Андрей Фёдоров шогирдлари уйда тўп тепаётганлари уларга бироз устунлик беради. Ўртоқлик ўйинларида мураббий турли хил вариантларни синаб кўрди, Абдухолиқов - Бикмаев - Погребняк учлиги мезбонлар ҳужумида жавлон уришмоқда. "Темирйўлчилар" учун ижобий жиҳат ҳимоячи Шуҳрат Муҳаммадиевнинг яна сафга қайтгани бўлди.

"Металлург"да ҳам яхши таркиб йиғилган. Тўғри "настрой" қилса унча-мунча жамоага муаммо туғдира оладиган клуб. "Локомотив" стадионида ҳам тенгма-тенг баҳс гувоҳи бўлсак керак.



Карантиндан кейин ким қандай ҳолатда эканлигини билмаймиз ва рестартдан кейин камида иккита турда исталган натижалар қайд этилиши мумкин. Қайси жамоанинг футболчилари танаффусда жисмоний ҳолатини яхши ушлаб тура олган бўлса, ўша клубларда имкон юқорироқ бўлади. Лекин, барча учрашувларда ҳам зўр ўйин кута олмаймиз. Чунки, жамоалар ритмга тушиб олишлари учун вақт ва бир нечта ўйин керак бўлади. Энг муҳими эса футболимиз қайтди.


Ўзбекистон чемпионати турнир жадвали >>>>> Суперлига

Муаллиф : Tolibjon Qosimov
Рейтинг: +32   

Фикрлар

+15   
12 июн 20:22:37
PITSTOP
Шерзод Қосимовга ўхшаган хакамларимизга инсоф берсин.
+15   
12 июн 20:00:07
Марфуша ғам-ғуссага не ҳожат!
Вазиятга реал қаралса: Пахтакор лигада мутлоқ лидер! Иккинчи бўлиш учун эса Локомотив, Насаф, Бунёдкор, Насаф ва Навбаҳор давогарлик қилса керак. Менимча, бу борада Навбаҳорни имконияти бордек, назаримда. Сабаби, Насаф яна янгидан таркиб тузди, Локомотивда кадрлар алмашинуви бўлди, Бунёдкорда мураббий билан боғлиқ кичик муаммо бор, чунки Абрамов икки фронтда ишлаяпти ва эътибор термага берилиши турган гап. Шундай экан, наманганликларнинг имкониятлари қолган жамоаларга қараганда устунроққа ўхшаяпти. Кўрамиз балки воқеалар ривожи бошқача тус олар. Нима бўлганда ҳам - Ассалом ўзбек футболи !!!
+12   
12 июн 21:06:22
gladiator_111111
Janob qosimovga uxahaga sudyalar karantinda ishlarni xal qilib tashliydi chunki stadionlar bum bush bosim bumaydi.
+11   
12 июн 20:39:52
gladiator_111111
Man 100% kafolat bilan aytaman bu yel chempion paxtakor.1 urindan umidlarini uzila.Kim 2 urindi olsa man ushani chempion deb bilaman. Bu mani shaxsiy fikrim.
+10   
13 июн 09:33:07
Muxriddin Goyibjanov
Митсуки фойдаланувчининг фикрига жавоб бериш
Пахтакор - Сугдиёна афиша тагидаги расм вообще зо́р. 1 Пахтакор; 2 Локоматив:; 3 АГМК; ЛИГА ЧЕМПИОНОВ........................ 13 Навбахор; 14 Су́ґдиёна. . Шахсий фикрим.
Fikringa aytovdim qaysi jamo fanatisiz ozi aka yaqinda bit intervyu oqidim Akmal Shoraxmedov yozipti muxlislarsiz futbol jozibasini yoqotadi deb qiziq ozi AGMKANI oyiniga Rosa borsa 50ta muxlis kiradi Lokamativnikiga 100ta Paxtakorni oyiniga Rosa kop 120ta muxlis kiradi Bunyodkor FAM klubi bor shuni ozi yetadi.take shto poytaxt jamolari muxlisi yoq kamandalar jozibani sizlarga Nima aloqasi bor chunmadim
+10   
13 июн 08:47:38
фанат.уз
халакит берилмаса Насафни таркиби жуда зур
+10   
12 июн 21:11:00
Asqarov FC Nasaf
Biz hamisha Nasafga ishonamiz. Tiki taka bilan jamoaviy o‘yin qilib yutish mumkin.
+10   
12 июн 20:03:05
Muhlislar ’’ARMIYA’’ si
Mavzuga mos rasm qoyibsiz QOYIL!!!
+9   
12 июн 21:31:50
forvard1975
насаф навбахор уйинида насафга омад отабек шукуров азиз ганиевлардан чиройли уйин кутиб коламан уларга рухсат булди уйнашга
+9   
12 июн 20:58:43
Richardmyu
Орзиқиб кутилган кунлар келди мана.Футболни соғинди одам.Карантиндан сўнг бошланган ва кутилган ўйинларни ҳалол ва шаффофлик билан бошқариш хакамларимиз қўлида,мухлислар ишончини синдирманглар.Оллоҳ насиб,яқин кунларда майдонда жонли кўриш ва мухлислар қайтиши насиб қилсин.
Кунлиги ғалаба қозонсин.
Навбаҳорга ғалаба ёр бўлсин.
+9   
12 июн 20:14:57
rostgoy
Учрашувлар бошланди хакмларимизни киликлари булмасин.
+8   
13 июн 12:18:57
kanchelkis
Navbahorimga omad tilayman butun Namangan axli siz bilan olga lochinlar
+8   
13 июн 09:19:47
2503
НАСАФга ОМАД! олға АЖДАРЛАР
+8   
12 июн 21:16:01
Бахтиёр73Чортоқ
Навбахорга омад!!!!
+7   
12 июн 22:55:49
Ulugbek. Manchester United
Murabbiy degan ruscha kinoni kim ko'rgan. O'shanda adashmasam liga kubogi finaliga ЦСК bn Metior chiqgandi. O'shanda sudya Metiorga nohaqlik qilgani uchun klub prizedenti sudyani tomog'idan olgandi. Yana bir marta jamoamni bug'sang sani yo'q qilaman deb. Bizda ham shunday jonkuyar mutasaddilar bo'lsa yaxshi bo'lardi...
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг