Бу ҳақда J-лига раҳбари Митсуру Мураи ўз интервьюсида айтиб ўтди. Аввалига чемпионатни 26 июндан давом эттириш кўзда тутилганди, бироқ клублар тайёргарлик учун кўпроқ муддатга эга бўлишлари учун 4 июлга сурилди.
Яна бир янгилик шуки, 10 июлдан бошлаб мухлисларнинг стадионга киришига рухсат берилади. Фақат бу ўринда ҳар бир стадионда ишқибозлар сони 5000 нафардан ошмаслиги шарт. Бу ҳақда J-лига раҳбари Мураи шундай деди:
- "Биз вазиятни тўлиқ назорат қилишимиз лозим. Ҳукумат 10 июлдан бошлаб мухлисларни стадионга киритишга рухсат берди, бироқ уларнинг сони 5 мингдан ошмаслиги керак. Буни жиддий назоратга олишимизга тўғри келади. Стадионга кирган мухлислар ниқобда бўлиши шарт, улар қўлларини мунтазам ювиб туришади ҳамда бақиришларига йўл қўйилмайди".
Маълумки, J-лиганинг навбатдаги мавсуми 21 февраль куни старт олган, бироқ коронавирус туфайли 26 февралда тўхтаб қолганди.
