UZ

Сўнгги янгиликлар

02:20АПЛ. Ваниҳоят, “Ливерпуль”нинг чемпионатдаги 4 ўйинлик мағлубиятли серияси якунланди  17 02:05Зидан "Реал Сосьедад"га қарши баҳс олдидан ўз фикрлари билан бўлишди  1 02:00Olamsport: Эркин курашчимиздан олтин медаль, Хабиб Нурмагомедов Америкада ва бошқа хабарлар  0 01:20Жота ва Алиссон бугунги баҳсни нега ўтказиб юбораётгани маълум  0 01:10Карикатура: “Челси” ва МЮнинг очко йўқотиши бошқа жамоаларга ёқиб тушди  1 01:00Ла Лига. "Вильярреал" – "Атлетико" учрашуви старт олди (онлайн ҳисоб)  2 00:45А Серия. “Милан” Римда “Рома” билан ўйнамоқда (онлайн ҳисоб)  2 00:25МЮ жорий мавсум АПЛда "юқори олтилик" жамоаларини енголмаяпти  6 00:06Ла Лига. “Вильярреал” – “Атлетико”. Альбиоль, Суарес асосийда, Феликс эса захирада қолди  0 00:05Спортчилар ижтимоий тармоқларда  0 00:00А Серия. Учрашувни бир киши кам якунлаган “Наполи” ўз майдонида ғалабага эришди  3 23:50А Серия. “Рома” – “Милан”. Таркиблар маълум  3 23:40РПЛда тур давомидаги қизил карточкалар бўйича антирекорд такрорланди  0 23:22АПЛ. "Манчестер Юнайтед" "Стэмфорд Бриж"да бир очко олди  68 23:05Льорис АПЛда 100 та қуруқ ўйин ўтказган 16-дарвозабонга айланди  1

Хориж йиғини клубларга нима беради? Янгиликлар

Хориж йиғини клубларга нима беради?

Янги мавсумга тайёгарликни ҳамма ўз имкониятидан келиб чиқққан ҳолда олиб бормоқда.

Маълумки, ҳар йил январь-февраль мавсумга тайёргарликнинг муҳим палласи ҳисобланади. Кўпчилик қишда кўп куч йиғиб олсанг, йил бўйи қийналмайсан деган гапни айтади. Бу фикрда ҳам жон бор, албатта. Чемпионатга ҳозирликни кимдир четда, кимдир ўзимизда олиб боради. 

Масалан, ҳозиргача "Пахтакор" Дубайда йиғин ташкил этган бўлса, "Қизилқум", "Локомотив", "Навбаҳор" каби клублар Туркияда машғулот олиб боришди. Шунингдек, айни дамда АГМК ҳам мавсумга тайёргарликни Анталияда олиб бормоқда. 

Фалон клубимиз хорижга йўл олди, машғулотларни давом эттириш мақсадида Дубайга ёки Анталияга учиб кетди каби хабарлар сайтимизда чоп этилса, хабар остидаги комментларда асосан негатив фикрларга дуч келамиз. "Давлатнинг пули еб келишади", "Маза қилиб дам олгани кетишди", "Энди денгизда чўмилиб қайтишади" ва ҳоказо. 

Шу ўринда айрим фикрларга ўз муносабатимни билдирмоқчиман. Аввало шуни айтиш керак, ҳеч ким давлатнинг пули еб хорижга кетмайди, барча клубларда белгиланган смета бор ва харажатлар смета орқали белгиланади. Иккинчидан, хорижга ҳеч ким маза қилиб дам олгани бормайди, жамоаларимиз турист эмас. Ишонинг, иш кўплигидан ҳатто дам олишга вақт бўлмай қолади. Буни мен уч-тўртта қишки йиғинни бориб кўрган шахс сифатида айтяпман, осмондан олинган гаплар эмас. 

Клублар нима учун хориж йиғинини танлайди? Бунга бир нечта сабабларни келтириш мумкин. Биринчиси, яхши шароит. Яхши шароит деганда албатта яхши майдонларни тушунамиз. Ўзимизда ҳам қишда мавсумга тайёргарлик кўрса бўлади, лекин бу ўринда бизга камида иккита яхши ҳолатдаги майдон керак. Имкон қадар асосий жамоа ўйин ўтказадиган стадионга тегмаган маъқул. Негаки стадионда ҳам мавсумга ҳозирлик ишлари олиб борилади ва стадионлар бизга Суперлига ўйинлари учун керак. 

Афсуски, бизда қиш ойларида яхши майдонларни топиш амримаҳол бўлиб қолади. Агар бизда ҳам зўр майдонлар кўп бўлса ва хориж клублари билан ўртоқлик учрашуви ўтказиш имкони юзага келса, ҳеч ким четга ошиқмайди. Шу боис бу ўринда яхши майдон ва ўртоқлик ўйинларини асосий сабаб сифатида кўрсатиш мумкин. 

Яхши майдонлар ва кучли спарринг рақиблар Дубайда ҳам, Анталияда ҳам бисёр. Ҳар бир меҳмонхона олдида камида уч-тўртта яхши майдонлари бор. "Локомотив" футбол клуби дарвозабонлар мураббийи Даниэль Чабрера билан гаплашганимда, Саудия Арабистонининг "Ал Наср" клубидаги фаолияти ҳақида гапириб берар экан, Саудия Пролигасида деярли барча клублар қишки йиғинни Испания ёки Португалияда олиб боришини айтиб ўтди. 

Начора бизда қишда яхши майдонларни топиш осон бўлмайди, бунинг устига ҳадеб ўзимизнинг клублар билан ўртоқлик учрашувлари ўтказиш ҳам бефойда. Баҳром Давлатов бир пайтлари Янгиердаги стадионни зўр ҳолатга келтириб қўйганди, трибуна остида меҳмонхона барпо этилганди. Эсингизда бўлса, ўша пайтлари қўшни Қозоғистон ва Қирғизистондан жамоалар келиб ўйнаб кетишарди. Ҳозир у ердаги стадион ва майдон ҳолати қанақа, буниси бизга қоронғи. 

Клубларнинг хориж йиғинига йўл олишида бир нечта плюслар бор. Шулардан яна бири бу - бутун жамоанинг шифокор назоратида бўлиши. Ўйлайманки, бу ҳам ниҳоятда муҳим аҳамият касб этади. Биринчидан, жамоа шифокори барча футболчиларни назорат қилиб туради, иккинчидан овқатланиш тартибга тушади. Айтайлик, жамоалар ўзимизда тайёргарлик кўряпти ва ҳамма ҳар кунлик машғулотларга уйдан қатнаяпти. Футболчи машғулотдан сўнг қаерга боради, нима овқат ейди, эрталаб машғулотга келишдан олдин нонушта қиладими - буларни назорат қилишнинг ўзи бўлмайди. Қачонки бутун жамоа бир жойга йиғилиб истиқомат қилсагина, шифокорлар учун ҳам осон бўлади. Чунки жамоа шифокорлари барча футболчиларни назорат қилиб туришади. 

Эътибор беринг, хориж йиғинини Туркия ёки Дубайда ўтказаётган фақат биз эмас, январь-февралда бу давлатларга кўплаб Россия, Украина, Қозоғистон, Сербия клублари келади. Уларда ҳам чемпионатга тайёргарлик ишлари олиб борилади. Масалан, "Локомотив" истиқомат қилган меҳмонхонада ҳатто "Спартак", "Динамо", "Зенит" клубларининг ўринбосарлари ҳам туришди, демак бу клубларда шароит юқорилиги боис ҳатто U-20, U-19 жамоалари ҳам қишки йиғинни хорижда ўтказади. 

Энди савол туғилиши мумкин, хўп, хорижда йиғин ўтказган билан чемпионатда ўзини кўрсата олмаса, бундан нима фойда? Бу ўринда аввало меҳнат ва ҳаракат инсоннинг ўзидан эканлигини унутмайлик, натижани эса Худо беради. Масалан, ҳеч ким бу йил барибир пастда бўламиз, четга чиққандан нима наф демайди. Бу - футбол, кимдир хорижда йиғин ўтказиб, пастда, кимдир фақат ўзимизда тайёргарлик кўриб ҳам юқорида бўлиши мумкин. Лекин бу ўринда энг асосийси ҳаракат ва интилишда. Масалан, чемпионатимизда 14та бир хил таркиб ва бир хил кучга эга жамоани қўяйлик, барибир чемпион битта бўлади, шунингдек кимдир пастга тушиб кетади. 

Қанийди имкон бўлса-ю, Суперлигадаги 14та клубнинг ҳаммаси хорижда йиғин ўтказиб қайтса. Шунда ўзимизнинг майдонлар сақланиб туради ва кейинчалик бутун мавсум хизмат қилади. Клубларимиз қанча кўп четга чиқса, шунча яхши. Европа жамоалари кўпроқ ўртоқлик учрашувлари ташкил этилса, бу янада яхши. Чунки биздаги шароитлардан келиб чиқиб қишки йиғинни ўтказиш осон эмас. Агар ҳамма четга кетса, биринчи навбатда ўзимиздаги майдонларни асраб қолган бўламиз. Чунки майдонлар бизга фақат январь ёки февралда эмас, балки бутун мавсум керак бўлади.

Муаллиф : Xayrulla Xoliqov
Рейтинг: +7   

Фикрлар

+7   
18 фев 10:15:28
Kamol505.
Ассалому Алейкум! Гапимни бошлашдан максад клублариммизни хориждаги йигини хакида. Мисол учун Навбахор хакида гапирай (узим мухлиси булган жамоа), кишки йигин биринчиси Наманганда булди иккинчиси Тошкетда ва учинчиси Туркияда. Намангандаги йигинга тухталадигон булсам бизда шароит бор йук эмас факат суний майдон. асосий майдонга тегиб булмайди мавсум стартига яхши холатда булиши керак ёнидаги захира майдонхам шу. суний майдонда эса травма олиш эхтимоли юкори. шуларни хаммасига куз юмган билан барибир норм спарринг ракиб топиш кийин булсахам водийдан булади бошка вилоятдан келиб бошка жамоа уртоклик уйини уйнамайди йул узок. иккинчиси Тошкент у ердахам сифатли майдон йук!!! йигин ташкил килгани яна бир жихатини айтмокчиман мехмонхона масаласи! киммат! бу ерда спаринг ракиб топиш мумкин лекин майдон йук борихам чими саргайиб кетган нотекис майдонлар худди суний майдон каби травма олиш эхтимоли юкори. шунча харажатга четга боргиш афзал ва курябмизки Туркиядаги майдонлар ва мехмонхоналар сифти ало даражада. Туркиядаги йигин хакида гапирмокчиман. Ха жамоам яхши булмаган статистика кайт этди бу ёмон яни натижа тарафдан ёмон аммо тажриба тарафдан яхши ёш ёш уйинчиларни синовдан утказиш учун. тактикалариммизхам хар хил булди 4-3-3, 4-4,2, 4-1-4-1, 4-2-3-1 в.х.к. ва бу ердаги спарринг ракиблариммиз уйинлари ва юртлари бошка бошка бу эса фойда. Бир нарсани эслаб утмокчиман утган йилги йигинда Навбахор Пахтакор билан урткоклик уйини уйнаб 3-0 хисобида зафар кучган. купчилик оооо деб эйфорияга берилиб кетганди. мавсум натижани эса хаммамиз биламиз. бу маглубиятдан на Пахакорни узи на мухлислари фожия ясамади балки ишонди. бу йилги йигиндахам Пахтакор хамма уйинда ютгани йук лекин команда уша уша факат пулданда киммат булган тажриба ортирди. Бизнинг Навбахорхам шу. Шундай йигинлар куп булиши керак командалариммиз ракиб жамоадан урганадигон нарсалари доим булади минг улар кучли ёки кучсиз булсахам. Укиб чикган булсангиз рахмат вактингиз учун рози булинг
+5   
18 фев 09:33:45
SURXON FAQAT G'ALABA
Шу ўринда айрим фикрларга ўз муносабатимни билдирмоқчиман. Аввало шуни айтиш керак, ҳеч ким давлатнинг пули еб хорижга кетмайди, барча клубларда белгиланган смета бор ва харажатлар смета орқали белгиланади.----------------------------------------- Смета нимани ҳисобидан белгиланаяпти, жаноб Котиб? давлатни пули эмасми???
+4   
18 фев 11:29:50
Албарс
. Баҳром Давлатов бир пайтлари Янгиердаги стадионни зўр ҳолатга келтириб қўйганди, трибуна остида меҳмонхона барпо этилганди. Эсингизда бўлса, ўша пайтлари қўшни Қозоғистон ва Қирғизистондан жамоалар келиб ўйнаб кетишарди. Ҳозир у ердаги стадион ва майдон ҳолати қанақа, буниси бизга қоронғи.
***************************************************************
Ҳа Янгиер шаҳри Парагвайдами, Гондурасдами жойлашган бориб куриб келиш қийин ёки таниш билиш хам йўқ телефонга олиб менга ташлаб юбор дейишга))) Мақолани ёзишга ёзибсиз мана шу жойга аниқлик киритсангиз яхши булардида муаллифжон)
+4   
18 фев 09:41:24
mukhammad irmatov
мақолани ўқишни тўхтатишим учун ёзилган 1та гап етарли бўлди:
+4   
18 фев 09:32:10
SURXON FAQAT G'ALABA
Мақола муаллифига ҳам савол - Буюртма мақолалар бизга нима беради? бунинг устига ушбу мақолани Ўзбекистонда давлат пулини энг кўп ейдиган клуб матбуот котиби ёзган бўлса???
+3   
18 фев 13:45:10
SURXON FAQAT G'ALABA
Азамат Одилов фойдаланувчининг фикрига жавоб бериш
Фикрингиздан билдимки сиз жамоаларнинг хусусийлаштириш тарафдори экансиз. Шу уринда сизга хам,битта саволим бор.Агар узимизнинг сурхон жамоасини хусусийлаштириш максадида акцияларини сотувга чикарса,айтингчи акцияларнинг нечи фоизини сотиб олган булар эдингиз?Жавобингиз учун олдиндан Рахмат!
Агар узимизнинг сурхон жамоасини хусусийлаштириш максадида акцияларини сотувга чикарса,айтингчи акцияларнинг нечи фоизини сотиб олган булар эдингиз?----------------------------- Акцияларни сотиб оламан, фақат бир нечта шартим бор, демак: 1. ЎФА келишилган ўйинларда иштирок этган ҳакамларни жазолаш билан бир баробарда, мазкур келишувларни амалга оширган клубларни ҳам жазолаш амалиётини тадбиқ этсин. 2. Футбол тепасида хақиқий футбол функционери ўтирсин, ошпаз, бизнесмен, орган ходими эмас! Мамлакатда ундай мутахассис йўқми? Чет элдан олиб келинсин. 3. Ҳоким, вазир, органлар футболдан 1000 километр нарида юрсин, мен акцияларига эгалик қиладиган клубда фалончини оёғи қийшиқ, калласи пул санашдан бошқа нарсани билмайдиган жияни, ўғли, амакиваччаси ўйнашини истамайман! 4. Вилоят жамоаларига эгри кўз билан қарашдан воз кечилсин (бир пайтлар эркатой “Бунёдкор” Урганч, Сариосиёга боришга эрингани каби). 5. Давлат пули фақат ва фақат, тўлиқ шаффоф ҳолда болалар футболига, замонавий (1-2 йилда харобага айланадиган эмас!!!) инфраструктурага йўналтирилсин ва ҳ.к. Мана шу талаблар бажарилса, нафақат мен, сиз, балки ҳамма клублар акцияларини сотиб олишга қизиқишлари, футболимиз бошқа даражага чиқиши мумкин. Утопиями? Қўшиламан, мен вазифамни бажардим, саволингизга жавоб бердим...
+3   
18 фев 10:01:05
Bekmirzo__sobirov
Xorij yiginini foydasi katta mazza qib dam olishadi shu ularga foyda
+3   
18 фев 09:50:19
Real Madrid BU Qirollik Klubi 95
Хаха заказ макола буптику бу. Уша тасдикланадиган йиллик смета каердан келади экан. Ё осмондан Лайлак ташлаб кетармикан. Бу Холиков аввал хам яхши журналист булмаган. Кимларнингдир тарафини олиб заказ маколалар ёзган. Шунчаки 2 хафта мазза килиб пляжда дам олиб кайтишади бечора халкни пулига. Ундан кура бир марталик йигинни пулига узимизда шароит килиб куйса анча пулни тежаб коларди. Лекин бу нарсалар бизни каттаконларимизга бу керак эмас, чунки унда "нони" яримта булиб колади.
+2   
18 фев 11:53:11
Nazir Dusmatov
SURXON FAQAT G'ALABA фойдаланувчининг фикрига жавоб бериш
Шу ўринда айрим фикрларга ўз муносабатимни билдирмоқчиман. Аввало шуни айтиш керак, ҳеч ким давлатнинг пули еб хорижга кетмайди, барча клубларда белгиланган смета бор ва харажатлар смета орқали белгиланади.----------------------------------------- Смета нимани ҳисобидан белгиланаяпти, жаноб Котиб? давлатни пули эмасми???
Ака мен хам шундай деб айтмокчи эдим. Обид Асомов айтганидек Булар сог эмас.
+2   
18 фев 10:27:22
антакия
Муаллиф сиз уша фойдали деп айтган хориж йигинида футболчилар шифокор назоратида булади дебсиз, хуп назоратида булса масалан январ бошида клуб 15 Кун хорижда булиб келди дейлик, бизни чемпионат мартни охирида бошланса шунда йигиндан Сунг почти икки ярим ой узимизда чемпионат га кадар шугулланса шифокор назоратида булмайди деганими унда икки ярим ой олдинги шифокор назорати нега керак ушбу ораликда барибир режим бузилмайдими, кароче мантик йукда, бу биргина мисол, колганлари уже комментда батафсил келтираяпти, ( узиз айтаяпсиз 3-4та йигинда катнашиб курдим деп, бу ерда еган огиз уялар дегандай булаяпти)
+2   
18 фев 09:47:21
Холмирзаев Комил
Хорижда йигин утказиш тугридир хамендаги пулни совуриб футболчига маош ини берлмай кийналганлар йукми йигиндан кимларгадир моддий манфаатдорлик борлиг ни узлариз хам биласизларку
+1   
18 фев 10:47:11
Barkamol2017
Хайруллони шунча гапларидан кейин хам негатив маьлумотлар куп, тушуниб туриб хам езайдиганларга Рахмат фикрингиз учун деймизда, наиложликдан,
+1   
18 фев 10:45:43
Нoдир
Мен мен эмас гапираётган хам бошка!Нима деб гапираётганимни узим хам тушунмайман. Сметана яхшимас ,зури кетчуп(хазил)
+1   
18 фев 10:45:40
Мхетерян
muallifga savol dubayga boradimi yoki antaliyaga boradimi foydasiyuq ligaga qolish uchun kurashadi xarajatdan boshqa narsa emas masalan qizilqum bunga nima diysiz
+1   
18 фев 10:35:15
Xumor 215
Soqqa beradi
championat.asia
< сўнгги янгиликларни кўриш
Яндекс.Метрика