Тачмурод Агамуродов: “Футболчилар мағлубиятлар сабаб босимдан чиқа олишмаяпти...”

- Жамоамизнинг бугунги ўйинидан асло қониқмадим. Майдонда ҳеч бир ҳаракатимиз натижали бўлгани йўқ. Жамоа кетма-кет мағлубиятлар сабабли кучли босимдан қутила олмаяпти. Омадсизликлар жамоа руҳиятига салбий таъсир қилиши аниқ. Шу боис майдонда ҳам йигитлар ўзларини кўрсата олишмаяптган бўлишлари мумкин. Биринчи бўлимда дуранг қайд этилган бўлса-да, икки таймда ҳам ўйинимизнинг даражасидан умуман қониқмадим. Жамоанинг лигада тушиб кетиш хавфи остида эканлиги босим остида қолдирмоқда. Қолаверса, “Динамо”да тажриба етишмаётгани кўриниб турибди. Рақиб жамоани бугунги ғалаба билан табриклайман. “Сўғдиёна” бежизга 3-ўрин учун курашмаётганлигини кўрсатди. 

Имконият қолдими? Ҳа, имконият сўнгги турларгача бўлади. Аммо биз курашиб, очколарни олишимиз шарт. Учта тур қолди, охиригача курашамиз - дейди Тачмурод Шамакович.